silsila ab nayaa kare koi — Faraaz Arif

"tumhaaraa gham hi to jiine kaa ik bahaana hai isi charaagh se raushan gharib-khaana hai mire qadam to kinaaron se bair rakhte hain miraa to 'azm samundar ke paar jaanaa hai tire khayaal ke zaanu pe rakh rahaa huun sar thakan se chuur badan ko sukun paanaa hai yahi savaal havaaon se puchhtaa huun main safar kahaan kaa hai kis kaa diyaa bujhaanaa hai hai aur baat ki uThtaa nahin dhuaan varna dilon kaa aag se rishta bahut puraanaa hai ye maslahat hai miyaan sab ko sab nahin miltaa kahin sanad hai kahin 'ilm kaa khazaana hai mire shu'ur ne shaa'ir banaa diyaa mujh ko 'faraaz' varna kise khun-e-dil jalaanaa hai"

"siyaahi jaise gir jaae dam-e-tahrir kaaghaz par likhi kuchh aise hi us ne miri taqdir kaaghaz par ghazal sun kar musavvir bhi hue hairat-zada saare banaai hu-bahu main ne tiri tasvir kaaghaz par agar mahsus karnaa hai utar kar dekh lo dil mein nahin hoti hai zakhmon ki kabhi tashhir kaaghaz par qalam ki zarb sadiyon tak dilon ko zakhmi karti hai na kar takhliq lafzon se kabhi shamshir kaaghaz par likhaa hai khat mujhe us ne magar kaisi ravaani mein simaT aai ho jaise khvaab ki taa'bir kaaghaz par ghazal ki chashm-e-nam mujh se khafaa ho kar ye kahti hai ki main ne kyon likhi hai daastaan-e-'mir' kaaghaz par mohabbat hi zamaane ki zarurat hai 'faraaz-aarif' na kar nafrat ki divaarein kabhi taa'mir kaaghaz par"

"zindagi ki raahon mein moD aise aate hain ghair kaam aate hain apne munh chhupaate hain sirf apni sharton par zindagi guzaari hai ham kahaan zamaane ki haan mein haan milaate hain ham ne khuun se apne is chaman ko sinchaa hai aap ki tarah baatein ham nahin banaate hain ham ko aaj bhi un ki yaad jab sataati hai palkon ki munDeron par ashk jhilmilaate hain tum 'faraaz' aankhon mein le ke ashk aae ho dekhnaa ye hai kitne daam vo lagaate hain"

"pesh-pesh the jo kal aashiyaan sajaane mein zikr hi nahin un kaa ab kisi fasaane mein jaan ham ne di yaaro tab shahid kahlaae mubtalaa the taa'na-zan ungliyaan kaTaane mein manzilon ne khud aa kar paanv un ke chume the lutf jin ko aataa thaa kashtiyaan jalaane mein bad-gumaaniyaan pal mein rishte toD deti hain 'umr biit jaati hai faasle ghaTaane mein kar ke koshish-e-paiham thak gae sabhi dushman ho gae vo khud baune qad miraa ghaTaane mein aansuon ki syaahi se likh kar ik ghazal yaaro ho gae hain shaamil ham 'mir' ke gharaane mein kar rahe hain kyon maatam ab miri tabaahi par the 'faraaz' shaamil jo ghar miraa jalaane mein"

"bas mein hai agar tere to ye kar ke dikhaa de hai naqsh tire dil pe miraa naam miTaa de jazbaat to naadaan hain giraa deinge nazar se in jaagte bachchon ko thapak kar tu sulaa de bhar jaaein agar zakhm to jiine kaa mazaa kyaa ai gardish-e-dauraan tu inhein aur jilaa de aasaan nahin un kaa zamaane se chhupaanaa rusvaai se bachnaa hai to khat mere jalaa de maazi ke hisaaron se 'faraaz' ab to nikal aa is kohna haveli ki fasilon ko giraa de"

"us ne dekhaa idhar to ghazal ho gai mil gai jab nazar to ghazal ho gai bundein barsaat ki misl-e-shabnam girin un ke rukhsaar par to ghazal ho gai faasla un labon se labon kaa mire jab huaa mukhtasar to ghazal ho gai us ki tasvir se baat karte hue shab gai jab guzar to ghazal ho gai ek pal ke liye main gham-e-dahr se jab huaa be-khabar to ghazal ho gai kar ke tanhaaiyon ke havaale mujhe chhup gayaa jab qamar to ghazal ho gai us ke aane ki jab vo khabar ai 'faraaz' ho gai mo'tabar to ghazal ho gai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"