simaT gai to shabnam phuul sitaara thi — Azra Parveen

"ab apni chikh bhi kyaa apni be zabaani kyaa mahz asiron ki mahsur zindagaani kyaa rutein jo tu ne utaari hain khuub hongi magar babul-sej pe sajti hai gul-fishaani kyaa hai jism ek tazaadaat ke kai khaane karegaa par inhein ik rang-e-aasmaani kyaa hazaar karvaTein jhankaar hi sunaati hain yuun jhaTpaTaane se zanjir hogi paani kyaa zamin ke aur taqaaze falak kuchh aur kahe qalam bhi chup hai ki ab moD le kahaani kyaa anaa to qaid ki tashhir se gurezaan thi pukaar uTThi magar meri be-zabaani kyaa main khushk nakhl si jangal tavil tez havaa bikher degi mujhe bhi ye be-makaani kyaa"

"ab aankh bhi mashshaaq hui zer-o-zabar ki khvaahish to tiri ghaaT ki rah paai na ghar ki rang apne jo the bhar bhi kahaan paae kabhi ham ham ne to sadaa radd-e-amal mein hi basar ki jab sirf tire gul mein miraa hissa nazar hai phir soch hai kyaa dard ye taakhir nazar ki ye kuufe ki galiyaan hain ki ye meri ragein bhi har samt se chubhti hai ani mujh ko shimar ki"

"behr-e-charaagh khud ko jalaane vaali main dhuein mein apne karb chhupaane vaali main hariyaali darkaar uDaanein bhi pyaari kidhar chali main kidhar thi jaane vaali main dhanak-ruton ke jaal bichhaane vaalaa tu ulajh ke apnaa-aap ganvaane vaali main meri chup kaa jashn manaane vaalaa tu talvaaron se kaaT churaane vaali main punji sun kar simaT na paane vaalaa tu sikka sikka tujhe churaane vaali main"

"be-khudaa hone ke Dar mein be-sabab rotaa rahaa dil ke chauthe aasmaan par kaun shab rotaa rahaa kyaa ajab aavaaz thi sote shikaari jaag uThe par vo ik ghaayal parinda jaan-ba-lab rotaa rahaa jaate jaate phir december ne kahaa kuchh maang le khaali aankhon se magar dil be-talab rotaa rahaa main ne phir april ke haathon se dil ko chhu liyaa aur dil saayon se lipTaa saari shab rotaa rahaa us ne mere naam suraj chaand taare likh diyaa meraa dil miTTi pe rakh apne lab rotaa rahaa"

"miri khud se mohabbat baDh gai hai bahut pinjre se vahshat baDh gai hai hain mere khvaab saare mom ke but mire suraj tamaazat baDh gai hai hamaare biich bedaari hi gham thi bas ab nindon ki haajat baDh gai hai ye kyaa baazaar kaise log yusuf idhar kyon teri raghbat baDh gai hai sunaai detaa hai sab an-kahaa bhi tiri dhun mein samaa'at baDh gai hai kabhi nindon se main vahshat-zada thi par ab khvaabon se raahat baDh gai hai main bachnaa chaahti huun apni jaan se miri mujh se mohabbat baDh gai hai nasha suraj ko ho jaae to kyaa ho miri hairat pe hairat baDh gai hai"

"aasmaan saahil samundar aur main khultaa phir yaadon kaa daftar aur main chaar samtein aaina si har taraf tum ko kho dene kaa manzar aur main meraa ujlaa-pan nae andaaz mein teri bakhshish maili chaadar aur main ek murat mein tajrabe nit-nae kitne be-kal meraa aazar aur main khulte hain asraar ajab aalaam mein band hotaa vo har ik dar aur main raat ik taarik pinjraa yaas kaa phaDphaDaataa ek paikar aur main"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"