surur degaa khumaar degaa — Dr. Nadeem Akbar Nadeem

"zamaane bhar mein kisi se milaa nahin karte tire suluk kaa ham to gila nahin karte mire khayaal ki basti mein chaar-su tum ho kabhi bhi khud se tujhe ham judaa nahin karte ye khuun ke ashk to dil mein utarte rahte hain barun-e-chashm ye hargiz giraa nahin karte dilon mein jin ke mohabbat ho jaaguzin teri namaaz-e-'ishq vo hargiz qazaa nahin karte tire baghair adhuri namaaz hoti hai tire baghair to sajda adaa nahin karte tujhi se maangte hain aur tujhi se maangaa hai tire sivaa to kisi ko khudaa nahin karte 'nadim' dekh sanbhal ke tu chal zamaane mein lahu ke rishte bhi ab to vafaa nahin karte"

"main kaDe imtihaan se guzraa huun jab bhi tere jahaan se guzraa huun mere har samt jo ujaalaa hai main kisi aastaan se guzraa huun jis ko ye pul-siraat kahte hain baarhaa main vahaan se guzraa huun karbalaa dekh hausla meraa main tire darmiyaan se guzraa huun meri haalat pe aap mat jaaein soch lein main kahaan se guzraa huun"

"ret ke main mire asar mein ret ret ke saath hai safar mein ret har kisi ko hai ikhtilaaf yahaan har kisi ki hai kyon nazar mein ret surat-e-dasht zindagaani hai zindagi ke guzar-basar mein ret dasht jaisaa to ho gayaa huun main bhar gai mere baam-o-dar mein ret mujh ko bannaa hai qais ke jaisaa paanv chhalni hon aur sar mein ret kyon Thikaana banaaun sahraa ko ab to uDti hai mere ghar mein ret jo sar-e-aaina chamakti hai aaine mein hai yaa nazar mein ret"

"raaz poshida hain kitne ik tire izhaar mein varna jurat hai kisi ki sar uThe inkaar mein tu misaalein aur qisse ham ko bhijvaataa rahaa ham lage rahte hain bas teri hi jai-jai-kaar mein tu to sattar maaon jaisaa pyaar kartaa hai hamein kaise pheinkegaa jahannum ki dahakti naar mein ek mere imtihaan ke vaaste barson talak mujh ko chunvaayaa gayaa hai jism ki divaar mein hain bahut mahbub us mahbub ke mahbub ko jo khaDe hote hain aadhi raat istighfaar mein"

"vo sadaa raaston mein rahte hain log jo vasvason mein rahte hain log raushan khayaal ho kar bhi jaane kyon pattharon mein rahte hain dushmanon ki nahin zarurat ab aise ham doston mein rahte hain sab ke dukh dard baanTne vaale khud magar nafraton mein rahte hain paas ho kar bhi log aksar hi 'umr bhar faaslon mein rahte hain gar haqiqat nahin koi in ki khvaab kyon aanganon mein rahte hain roz lagte hain zakhm dil pe 'nadim' phir bhi ham qahqahon mein rahte hain"

"yuun musalsal jaavedaani mein rahaa mar ke bhi teri kahaani mein rahaa baa'd tere duniyaa meri luT gai ab bhalaa kyaa zindagaani mein rahaa ab jo bichhDe hain to kyaa batlaaein ham kaun kis ki mehrbaani mein rahaa phuul de kar baat puuri kar gayaa aur main to be-zabaani mein rahaa DhunDhtaa khud ko rahaa insaan to jab talak is daar-e-faani mein rahaa mehrbaani teri yaadon ki 'nadim' main hamesha rut suhaani mein rahaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kyaa manzil-e-gham simaT gai hai ik aah mein raah kaT gai hai phir saamne hai pahaaD si raat phir shaam se niind uchaT gai hai pahlu mein ye kaisaa dard uThaa hai ye kaun si raah kaT gai hai aap aae nahin to maut kambakht aa aa ke palaT palaT gai hai uTh uTh ke mariz-e-gham ne puchhaa kyaa hijr ki raat kaT gai hai phir 'saif' havaa-e-yaad-e-rafta har gham ki naqaab ulaT gai hai"