taqdir mein izaafa-e-soz-e-vafaa huaa — Seemab Akbarabadi

"ab kyaa bataaun main tire milne se kyaa milaa irfaan-e-gham huaa mujhe apnaa pataa milaa jab duur tak na koi faqir-aashnaa milaa teraa niyaaz-mand tire dar se jaa milaa manzil mili muraad mili muddaaa milaa sab kuchh mujhe milaa jo tiraa naqsh-e-paa milaa khud-bin-o-khud-shanaas milaa khud-numaa milaa insaan ke bhes mein mujhe aksar khudaa milaa sargashta-e-jamaal ki hairaaniyaan na puchh har zarre ke hijaab mein ik aaina milaa paayaa tujhe hudud-e-taayyun se maavaraa manzil se kuchh nikal ke tiraa raasta milaa kyuun ye khudaa ke DhunDne vaale hain naa-muraad guzraa main jab hudud-e-khudi se khudaa milaa ye ek hi to neamat-e-insaan-navaaz thi dil mujh ko mill gayaa to khudaai ko kyaa milaa yaa zakhm-e-dil ko chhil ke siine se pheink de yaa e'tiraaf kar ki nishaan-e-vafaa milaa 'simaab' ko shagufta na dekhaa tamaam umr kam-bakht jab milaa hamein gham-aashnaa milaa"

"anjaam har ik shai kaa ba-juz khaak nahin hai kyaa hai jo ye aalam khas-o-khaashaak nahin hai kah do vo sataa kar mujhe be-fikr na baiThein mere hi liye gardish-e-aflaak nahin hai aankhon se har ik parda-e-mauhum haTaa de itni nigah-e-shauq abhi chaalaak nahin hai kar chaak-e-garebaan se na andaaza-e-vahshat divaane abhi daaman-e-dil chaak nahin hai 'simaab' duaa kijiye kyaa sabr-o-sukun ki shaaista-e-taskin dil-e-ghamnaak nahin hai"

"vus'atein mahdud hain idraak-e-insaan ke liye varna har zarra hai duniyaa chashm-e-irfaan ke liye ai khizaan tu shauq ke saaraa chaman barbaad kar chand phaansein chhoD jaa meri rag-e-jaan ke liye duur pahunchin shohratein raftaar sahar-aasaar ki khul gae raste tire husn-e-khiraamaan ke liye phuul gulshan ke nahin to khaak-e-sahraa hi sahi kuchh na kuchh to chaahiye taskin-e-daamaan ke liye is liye detaa huun dil tum ko ki lo aur bhuul jaao main ne ik tasvir di hai taaq-e-nisyaan ke liye dhajjiyaan uDne ko ai 'simaab' vus'at chaahiye hai koi maidaan aashob-e-garebaan ke liye"

"jaras hai kaarvaan-e-ahl-e-aalam mein fughaan meri jagaa deti hai duniyaa ko sadaa-e-al-amaan meri tasavvur mein vo kuchh barham se hain kuchh mehrbaan se hain unhein shaayad sunaai jaa rahi hai daastaan meri har ik zarra hai sahraa aur har sahraa hai ik duniyaa magar is vusat-e-aalam mein gunjaaish kahaan meri miri hairat pe vo tanqid ki taklif karte hain jinhein ye bhi nahin maalum nazrein hain kahaan meri musalsal thaa fareb-e-khvaab-gaah-e-aalam-e-faani magar sotaa rahaa chalti rahi umr-e-ravaan meri vahi lamha varud-e-naa-gahaan kaa un ke ho shaayad jataa kar aae jab bhi aae marg-e-naa-gahaan meri mazaaq-e-ham-zabaani ko na tarsun baagh-e-jannat mein koi 'simaab' huron ko sikhaa detaa zabaan meri"

"ab ai be-dard kyaa is ke liye irshaad hotaa hai phir apni khaak se paidaa dil-e-barbaad hotaa hai tasavvur jab anis-e-khaatir-e-naashaad hotaa hai jahaan-e-dil tiri tasvir se aabaad hotaa hai asiraan-e-vafaa ghabraaein kyuun tajviz-e-zindaan se yahin to imtihaan-e-fitrat-e-aazaad hotaa hai jagah milti nahin jis ko shab-e-gham mahshar-e-dil mein vo hangaama lab-e-khaamosh mein aabaad hotaa hai bahaar aai hai istiqbaal karne baab-e-zindaan tak nahin maalum 'simaab' aaj kaun aazaad hotaa hai"

"mahfil-e-ishq mein jab naam tiraa lete hain pahle ham hosh ko divaana banaa lete hain roz ik dard tamannaa se nayaa lete hain ham yunhi zindagi-e-ishq baDhaa lete hain dekhte rahte hain chhup-chhup ke muraqqaa teraa kabhi aati hai havaa bhi to chhupaa lete hain rang bharte hain vafaa kaa jo tasavvur mein tire tujh se achchhi tiri tasvir banaa lete hain de hi dete hain kisi tarah tasalli 'simaab' khush rahein vo jo mire dil ki duaa lete hain"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"