tarab ke makhmase gham ke jhamele — Arsh Malsiyani

"ai yaas miraa ghar tiraa maskan to nahin hai dil hai ye tamannaaon kaa madfan to nahin hai kyaa baat hai gulzaar hai kyuun barq se mahfuz be-barg miri shaakh-e-nasheman to nahin hai haan dida-e-tahqiq se ai zauq-e-safar dekh rahbar jise samjhaa hai vo rahzan to nahin hai taklif asiri ki shikaayat na kar ai dil ye kunj-e-qafas kunj-e-nasheman to nahin hai aao ki tamannaaon mein hai taab-e-nazaara ye dil hai miraa vaadi-e-aiman to nahin hai chhu kar hi jise aatish-e-dozakh hui ThanDi daaman ye kisi rind kaa daaman to nahin hai manzur hai kuchh jaanch tire azm ki us ko dar-asl zamaana tiraa dushman to nahin hai be-sai-e-amal khaak hai insaan ko jiinaa ye razm-e-gah-e-zist hai madfan to nahin hai sayyaad ijaazat ki zaraa dekh to aauun jaltaa hai jo vo meraa nasheman to nahin hai dekho to rahaa dasht-navardi pe jo naazaan vo 'arsh' ravaan jaanib-e-gulshan to nahin hai"

"dil kaa aazaar kam nahin hotaa shauq-e-didaar kam nahin hotaa baDh rahi hai bahut masihaai dard-e-bimaar kam nahin hotaa sulh-saazaan-e-bazm-e-aalam kaa josh-e-paikaar kam nahin hotaa dekh kar tum ko aur ko dekhein ab to meaar kam nahin hotaa un ke inkaar-e-ruh-farsaa se un kaa iqraar kam nahin hotaa ai falak aur koi taaza sitam karam-e-yaar kam nahin hotaa zaahiri haq-parastiyon se kabhi kufr-e-din-daar kam nahin hotaa daur-e-mai mein kami to aati hai shauq-e-mai-khvaar kam nahin hotaa mai se raghbat hai shaikh ko har-chand mai se inkaar kam nahin hotaa 'arsh' daad-e-sukhan na milne se lutf-e-ashaar kam nahin hotaa"

"maail-zabt bhi aamaada-e-fariyaad bhi hai dil giraftaar-e-mohabbat bhi hai aazaad bhi hai daastaan-e-dil-e-maasum na puchh ai hamdam ye vo basti hai jo aabaad bhi barbaad bhi hai ai mire zabt ko kaamil na samajhne vaale qaabil-e-daad miri koshish-e-fariyaad bhi hai uD ke jaaun bhi to kyaa aur na jaaun bhi to kyaa muntazir barq bhi hai taak mein sayyaad bhi hai kyaa likhun kyaa na likhun surkhi-e-afsaana-e-dil gham bhi hai dard bhi hasrat bhi hai fariyaad bhi hai dil-e-divaana ki to hasti-e-hushiyaar na puchh ye giraftaar-e-qafas taair-e-aazaad bhi hai meri taskin to kar bhuul ke itnaa to bataa yaad rakhne kaa jo vaada thaa tujhe yaad bhi hai ik 'ravish' dil ki ho ai 'arsh' to kuchh baat bhi ho kyaa musibat hai ki ye shaad bhi naashaad bhi hai"

"lutf hi lutf hai jo kuchh hai inaayat ke sivaa hai mohabbat se sivaa jo hai mohabbat ke sivaa doston ke karam-e-khaas se bachne ke liye koi gosha na milaa gosha-e-uzlat ke sivaa mujh se shikva bhi jo karte hain to ye kahte hain kuchh bhi aataa nahin kyaa tujh ko shikaayat ke sivaa aap ke khat ko main kis baat kaa khummaar kahun is mein sab kuchh hai bas ik harf-e-mohabbat ke sivaa jis qadar chaahun gunaahon pe hansun khuub hansun ye ilaaj aur bhi hai ashk-e-nadaamat ke sivaa shaikh hi hogaa jo milte nahin do-chaar ayaagh kaun aa saktaa hai maikhaane mein hazrat ke sivaa vo jo kahte hain ki hai fahm-o-faraasat ham se aise logon mein sabhi kuchh hai faraasat ke sivaa nahin maalum ki kyuun ruuh isi se khush hai ranj to aur bhi hain ranj-e-mohabbat ke sivaa rah gae raah-e-amaanat mein malaaek thak kar marhala tai na huaa ye miri himmat ke sivaa tum ko maalum ho ai shaikh-o-barahman to kaho aur bhi koi ibaadat hai mohabbat ke sivaa is nai baat ko bhi 'arsh' kabhi sochaa hai aaj-kal sher mein jiddat hai to jiddat ke sivaa"

"rahguzar rahguzar se puchh liyaa teraa ghar sab ke ghar se puchh liyaa jo zabaan se na kar sake vo bayaan ham ne un ki nazar se puchh liyaa gumrahi aur baDh gai apni raasta raahbar se puchh liyaa jab zamin ne diyaa na teraa pataa ham ne shams o qamar se puchh liyaa tum na aao na aaegi raunaq ham ne divaar-o-dar se puchh liyaa meri chup ko vo kyaa samajhte hain raaz jab chashm-e-tar se puchh liyaa ilm kaa raaz 'arsh' bas ye hai kuchh idhar kuchh udhar se puchh liyaa"

"vo le ke hausla-e-azm-e-be-panaah chale jo log hanste hue su-e-qatl-gaah chale gharib nikle rajaz-khvaan to ahl-e-dil ne kahaa karo salaam ki himmat ke baadshaah chale fareb khaae hue zulm o jaur insaan ke khudaa ki khaas adaalat ke daad-khvaah chale na bim-e-marg na khauf-e-ajal na ranj koi khushi se karte hue raqs kaj-kulaah chale salib o daar ki sab rahmaton ke pesh-e-nazar vo tabarruk karte hue hirs-e-izz-o-jaah chale zamaana chikh uThaa sab ki aankh bhar aai baraae qatl jo maqtal ko be-gunaah chale zamin vaalo uTho uTh ke in ko sajda karo vo le ke parcham-e-nau 'arsh' paa-e-gaah chale"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"