teri zulfon ne kiyaa kis pe karam raat gae — Charkh Chinioti

"baat kahne ke liye baat banaai na gai ham se baaraat farebon ki sajaai na gai aaj bhi daar ke takhte se sadaa aati hai haq ki aavaaz sitamgar se dabaai na gai dost karte hain hasad is liye teri tasvir maa-sivaa dil ke kahin aur sajaai na gai gham ki tasvir banaane ko main jab bhi baiThaa un ki muskaan ubhar aai banaai na gai nai tahzib ke khaakon ko sanvaaraa ham ne ham se akhlaaq ki tasvir banaai na gai jaane kyaa sujhi miri qabr par aa kar un se gul chaDhaae na gae shama jalaai na gai main to baat aai gai kar ke chalaa aayaa thaa ho gai baat paraai vo dabaai na gai us ne hangaamon se bahlaai hai apni duniyaa vaqt se amn ki shahnaai bajaai na gai 'charkh' dekhe jo javaani ke ubharte jalve zindagi apni gunaahon se bachaai na gai"

"main ik ik aashnaa se aashnaa huun khulus un mein hai kitnaa jaantaa huun tiri baat aai thi lab par zaraa si zamaane bhar ki baatein sun rahaa huun ye koi jaani-pahchaani jagah hai achaanak chalte chalte ruk gayaa huun tamaashaa hai ye meri be-khudi kaa main apne aap mein gum ho gayaa huun miri aankhein hain goyaa un ki aankhein jidhar vo dekhte hon dekhtaa huun tire khvaabon ki duniyaa saamne hai main jhuTi niind shaayad so rahaa huun tire kuche mein mela lag rahaa hai main ik viraan raste par khaDaa huun ye mil kar phir kabhi milti nahin hain tiri nazron ko main pahchaantaa huun sitam ho yaa karam ai 'charkh' kuchh ho mohabbat kaa main sadqa ban gayaa huun"

"kab gharibon ko ujaalon ki khabar hoti hai zindagi un ki andheron mein basar hoti hai husn ko chhuti hain jab subh ki zarrin kirnein fitratan subh vo rangin sahar hoti hai zindagi jin ki tire 'ishq mein hoti hai basar unhein duniyaa ki na 'uqbaa ki khabar hoti hai kabhi naasaazi-e-maahaul ko khaatir mein na laa raat ke parde mein malbus sahar hoti hai gham-o-'ishrat kaa muraqqa' hai ye duniyaa ai 'charkh' kabhi kaanTon kabhi phulon pe basar hoti hai"

"jalva-e-hosh-rubaa koi dikhaayaa jaae 'aalam-e-shauq ko divaana banaayaa jaae tu ne duniyaa hi badal di mire armaanon ki gham-e-dauraan tujhe siine se lagaayaa jaae jaagte jaagte qismat ko sulaa baiThaa huun miri soi hui qismat ko jagaayaa jaae aao ai khvaab-gah-e-naaz ki nindo ki tumhein jaagti raaton kaa andaaz dikhaayaa jaae hashr ko hashr uThaane ki zarurat na rahe hashr se pahle koi hashr uThaayaa jaae saaz-e-dil TuuT gayaa vaqt gayaa naghmon kaa ab javaani kaa koi nauha sunaayaa jaae aap jalvon ko sameTe hue kyon baiThe hain aabshaaron ki tarah nuur luTaayaa jaae mauja-e-zulf-e-mo'ambar kaa taqaazaa hai yahi nikhat-o-nur kaa tufaan uThaayaa jaae 'charkh' vo mai-kada-bar-dosh ghaTaaein aaiin hurmat-e-tauba ko khaatir mein na laayaa jaae"

"jahaan-e-'ishq mein vo baa-vaqaar ho ke chale jo ku-e-yaar mein sajda-guzaar ho ke chale vo ahl-e-hosh se pahle hi paa gae manzil jo raahvaar-e-junun par savaar ho ke chale havaa kuchh aisi chali miT gaiin sabhi qadrein nuqush-e-maazi ke gard-o-ghubaar ho ke chale zakaat aap ke haathon se mil gai jin ko vo be-navaa vo gadaa shahr-yaar ho ke chale khayaal-o-khvaab bhi dil bhi nafas bhi imaan bhi jo silsila bhi chale nazr-e-yaar ho ke chale vo jin ko naaz thaa imaan-o-zohd-o-taqvaa par buton ki ek jhalak par nisaar ho ke chale tumhaare husn ki maa'sumiyat ke kyaa kahne shikaar karne ko aae shikaar ho ke chale nasim tere shabistaan se ho ke aai hai ye kis liye na saraapaa bahaar ho ke chale bikhar ke uD gae auraaq-e-zindagi ai 'charkh' ajal ke dosh pe ham bhi savaar ho ke chale"

"fazaa mein kaif-fashaan phir sahaab hai saaqi phir apne rang pe daur-e-shabaab hai saaqi ye talkh yaadein kam-az-kam bhulaa to deti hai sharaab kuchh bhi ho aakhir sharaab hai saaqi jo apni hasti ki masti miTaa ke aataa hai tire huzur vahi baaryaab hai saaqi gham-e-firaaq gham-e-zindagi gham-e-duniyaa sharaab saare ghamon kaa javaab hai saaqi tiri nigaahon se maikhaane jaam bharte hain tiri nigaahon kaa koi javaab hai saaqi ba-qaul-e-'charkh' yahaan mastiyaan ubharti hain ye mai-kada to jahaan-e-shabaab hai saaqi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"