tum saath chale the to mire saath chalaa din — Ahmad Hamesh

"jab se main khud ko kho rahaa huun karvaT badal ke so rahaa huun ye jaagnaa aur sonaa kyaa hai aankhon mein jahaan samo rahaa huun duniyaa se ulajh ke sar pe shaayad apni hi balaa ko Dho rahaa huun ye laag aur lagaav kyaa hai apnaa vujud hi Dubo rahaa huun ab tak jo zindagi hai guzri kaanTe nafas mein bo rahaa huun hai kuchh to apni parda-daari na jaagtaa huun na so rahaa huun itnaa hai khoT mere man mein paani mein duudh bilo rahaa huun ai dil-e-figaar be-sabaat hasti teri hi jaan ko ro rahaa huun jitni hai duur maut mujh se itnaa hi qarib ho rahaa huun kis raaste par jaa rahi hai duniyaa ye dekh ke hi to ro rahaa huun jaane 'hamesh' khud ko kab se be-vajh lahu mein Dubo rahaa huun"

"jahaan se hotaa hai pyaare khudaa kaa naam shuru' vahin se karte ham zindagi kaa kaam shuru' ye kaisi raah-e-safar hai ye kaisaa 'aalam hai ki paanv rakkhein jahaan bhi vahin maqaam shuru' jahaan pe hotaa hai dil pe nuzul-e-baar-e-azaab vahin se hotaa hai duniyaa kaa ye nizaam shuru' na socho vaqt bahut kam hai zindagi kam hai jo ho sake to karo gardish-e-mudaam shuru' sukut o shor ke maabain koi hai maujud jahaan ho khatm samaa'at vahin kalaam shuru' baDi 'ajib hai ye daastaan-e-'ishq 'hamesh' saveraa hone se pahle ho goyaa shaam shuru'"

"kis kaa shoala jal rahaa hai shoalagi se maavaraa kaun raushan hai bhalaa is raushni se maavaraa jiite ji to kuchh nahin dekhaa nazar se haan magar hairatein DhunDaa kiye is hairati se maavaraa kaun saa aalam hai maalik tere aalam mein nihaan kaun sajde mein chhupaa hai bandagi se maavaraa koi to batlaaegaa aage kahaan muDti hai raah koi to hogi zamin us malgaji se maavaraa baat jiine ki adaa tak khub-surat hai magar zindagi kuchh aur hai is zindagi se maavaraa khaak-basta phir rahaa hai kaun si basti mein dil kaun aakhir khasta-jaan hai khastagi se maavaraa ik nagar tarsaa huaa hai aur sahraa hai tavil aur ik naddi hai koi tishnagi se maavaraa kab se khaali haath hai yaan ek khilqat ishq ki ham bhi ho jaaeinge ek din bebasi se maavaraa in faraavaan neamaton aur barkaton ke baavajud koi muflis chal diyaa hai muflisi se maavaraa apni duniyaa mein agar phaili hai taariki to kyaa din kahin niklaa to hogaa tirgi se maavaraa"

"kis ko maalum hai kyaa hogaa nazar se pahle hogaa koi bhi jahaan zaat-e-bashar se pahle kaun is raaz se hai maavaraa kyaa jaante ho kaun maujud sadaf mein thaa guhar se pahle raahat-e-vasl hai kyaa raat kaa aaraam hai kyaa goyaa jaag uThte hain ham log sahar se pahle"

"kis tavaqqoa pe kyaa uThaa rakhiye dil salaamat nahin to kyaa rakhiye likhiye kuchh aur daastaan-e-dil aur zamaane ko mubtalaa rakhiye sar mein saudaa rahe mohabbat kaa paanv mein khaak ki anaa rakhiye buund bhar aab kyaa muqaddar hai abr rakhiye to kuchh havaa rakhiye is se pahle koi jalaane aae aap apnaa hi ghar jalaa rakhiye qabl-e-insaaf chal basaa mulzim ab adaalat se kyaa ravaa rakhiye jaan jaani hai jab abas hi 'hamesh' phir to duniyaa se faasla rakhiye"

"na ghar hai koi na saamaan kuchh rahaa baaqi nahin hai koi bhi duniyaa mein silsila baaqi ye khel khatm karo eqtidaar kaa ye khel ki hai qarib ajal ke tiraa galaa baaqi maqaam-e-ibrat-e-faani se kaun hai mahfuz ki kaun haakim-e-asbaab rah gayaa baaqi sukut-e-marg ke raste pe kuchh nahin thaa magar koi chalaa hi kahaan thaa ki kab rukaa baaqi ye kaisaa aalam-e-viraan hai nazar se pare na din bachaa hai na hi raat kaa siraa baaqi bahut na thoDaa sar-e-aam zindagi kaa shor ki darmiyaan hi sunte hain ik sadaa baaqi"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"