yaad jo aae khud sharmaaein uf ri javaani haae zamaane — Habeeb Aarvi

"is tarah dard kaa tum apne mudaavaa karnaa yaad-e-maazi ko charaagh-e-rah-e-fardaa karnaa teri duzdida-nigaahi ke main sau baar nisaar dekhne vaale isi chaah se dekhaa karnaa hashr tak jiine kaa armaan liye baiThaa huun tum zaraa ziist ke asbaab muhayyaa karnaa khvaahish-e-did ki tauhin hai jalvon kaa khayaal meri nazron kaa taqaazaa hai ki pardaa karnaa ek ehsaan hai qudrat ki jafaa-kaari par us ki duniyaa mein bhi jiine ki tamannaa karnaa meri taskin ke liye phir koi vaada kiije aap par farz nahin vaade kaa iifaa karnaa husn betaab ho khud vasl ki khaatir ai 'habib' ishq ko chaahiye andaaz vo paidaa karnaa"

"hain dhabbe tegh-e-qaatil ke jise dhone nahin dete mire ahbaab tajdid-e-vafaa hone nahin dete miri vahshat ke saae jhaankte rahte hain rauzan se ye aadam-khor mujh ko raat-bhar sone nahin dete shikast-e-aarzu rusvaai-e-fikr-o-nazar paiham yahi haalaat mujh ko aap kaa hone nahin dete taqaazaa-e-vafaa mein bhi sitam kaa ek pahlu hai main ronaa chaahtaa huun aur vo rone nahin dete 'habib' apni khataa thi ho gae rusvaa zamaane mein ki ham sehn-e-chaman mein bijliyaan bone nahin dete"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"