ye jo rishta hai meraa miTTi se — Khaleel Rampuri

"naam is allaah ke bande kaa bhi rusvaai mein hai jo samundar ki tarah se apni gahraai mein hai shaakh se patta bhi uDtaa hai parinde ki tarah zindagi ki koi chingaari tamannaai mein hai dhuup kaa dariyaa umaD aataa hai jab chaDhtaa hai din koi aisi lahr kyaa us ki bhi angDaai mein hai jab havaaon mein aDegaa sab pata lag jaaegaa jhiil niile aasmaan ki kitni gahraai mein hai chhoD jaati hai havaa bhi naqsh apne khaak par sochtaa huun tu kahaan par jalva-aaraai mein hai Duub jaate hain manaazir Dubte suraj ke saath sach kahaa kartaa thaa vo bhaai ki jaan bhaai mein hai lahlahaati khaak ko dekhaa to kyaa dekhaa miyaan us ko dekhaa chaahiye jo us ki raa'naai mein hai koi darvaaze ki dastak kaan mein paDti nahin but banaa baiThaa huun ghar mein dhyaan shahnaai mein hai ghere rahtaa hai mujhe logon ki aavaazon kaa shor vo akelaa dekh kar kahte hain tanhaai mein hai uDte tayyaare ki khiDki se zaraa saa jhaank le itne hangaamon-bhari duniyaa bhi tanhaai mein hai ham kisi shishe ko apne munh se patthar kyuun kahein jis kaa jo kirdaar hai vo us ki goyaai mein hai dosto kyaa puchhte ho haal is ke gaanv kaa aaina lipTaa huaa taalaab ki kaai mein hai uTh rahi thiin duur tak paani ki divaarein 'khalil' ham ye samjhe naqs koi apni binaai mein hai"

"jo is tarah liye phirtaa hai jaan hatheli par vo dekhnaa kabhi jaan se guzar hi jaaegaa khayaal hai koi uDtaa huaa parind nahin jahaan bhi jaaegaa be-baal-o-par hi jaaegaa ye aasmaan jo azal se sivaa rahe mujh par ye bojh bhi kahin sar se utar hi jaaegaa main us kaa chaahne vaalaa huun koi ghair nahin vo mere saamne aa kar nikhar hi jaaegaa vo kab kahegaa ki main ne lagaai thi ye aag vo jab bhi saamnaa hogaa mukar hi jaaegaa khilaa huaa hai nazar mein gul-e-khayaal koi 'khalil' aankh jo jhapki bikhar hi jaaegaa"

"main jaisaa bhi huun tere saamne huun jo duniyaa hai vo de de saamne huun tiri duniyaa hai to har chiiz mein hai jahaan bhi huun main tere saamne huun abhi din hai bataa kyaa chaahtaa hai abhi zinda huun tere saamne huun falak ki jagmagaati chhat hai sar par main hairaan huun ki kis ke saamne huun havaa chalti hai yaa gaataa hai koi vo kaun aisaa hai kis ke saamne huun mujhe to sharm aati hai ye kahte main pyaasaa huun tumhaare saamne huun"

"raat khaDi hai sar pe sunahre diyon kaa thaal liye ai man tu bhi umr bataa de naqsh-e-khayaal liye lamhe ye be-rang patange kab aate hain haath saaraa saaraa din phirtaa hai suraj jaal liye phul-jhaDiyaan si chhuT rahi hain shaam ke daaman mein kaun khaDaa hai naarangi saa chehra laal liye aaj samajh mein aayaa apni aankhon kaa mafhum har insaan hai surat par do zakhm-e-malaal liye ujli chaandni raat si aankhein ujlaa dhuup saa mukh haae re vo hirni si laDki shauq-e-visaal liye ghar vaalon se toD ke naataa kis ne paayaa mujh ko kahaan phiroge shaair saahab dast-e-savaal liye gulzaaron mein basne vaale bhakkar des bhi dekh thal kaa registaan bhi hai gudDi mein laal liye aaj talak us aurat se aataa hai khauf 'khalil' ghar mein ik din ghus aai thi bikhre baal liye"

"har koi sar uThaa ke chaltaa thaa ghar ki lassi thi ghar kaa aaTaa thaa jaane kis baat par khafaa thaa vo aap jaltaa thaa aap bujhtaa thaa us ke andar se boltaa thaa koi jab kabhi mood mein vo hotaa thaa shaakh se aam jis tarah Tapke us tarah mujh pe jaan detaa thaa oDh li shaal kyon khamoshi ki vo to ik guftugu kaa dhaaraa thaa raat saaraa makaan Dol gayaa kyaa havaai jahaaz guzraa thaa kho gayaa thaa vo gahri sochon mein dhuup ke ghar mein kal andheraa thaa chhoD dete the raasta dariyaa aadmi kaa charaagh jaltaa thaa ThanD thi ret ke makaanon mein saarbaanon se pyaar miltaa thaa phuul khilte the reg-zaaron mein zikr masjid mein us kaa hotaa thaa koi sabze ki lahr thi shaayad jis ne aaraam se sulaayaa thaa ab vahaan uunT bilbilaate hain pahle murghaabiyon kaa Deraa thaa peD ugte the apni marzi se koi tahsil thi na thaana thaa shahr vaale to pheink aae the us ko dariyaa uThaae phirtaa thaa rang karvaa diyaa thaa shishon par roz suraj jo jhaankaa kartaa thaa television navaaztaa hai ab pahle akhbaar par guzaaraa thaa jab palaTtaa thaa us ke ghar se 'khalil' ek saaya saa saath hotaa thaa"

"aankhon ke aainon mein tavaanaai aaegi dekhegaa sabz khet to binaai aaegi paaegaa khushbuon se zaminon ke bhed bhi ik roz tere kaam shanaasaai aaegi peDon ki chhaanv chhoD kisi aab-e-ju pe baiTh tujh mein nahin to aks mein raanaai aaegi duniyaa ki sair kar ke nikhar jaaegaa khayaal taaza havaa lagegi to daanaai aaegi har naqsh aab-o-khaak kaa dil mein utaar le fankaar hai to taaqat-e-goyaai aaegi shaair ki tarah Dol rahaa hai khalaaon mein logon mein baiTh anjuman-aaraai aaegi andhon ke is nagar mein diye ki misaal ban sahraa mein gul khulegaa to yaktaai aaegi shaffaaf paaniyon ki tarah zindagi guzaar suraj ki tarah tujh mein tavaanaai aaegi ghar mein diyaa jalaa ki lage boltaa huaa divaar-o-dar pe zinat-o-zebaai aaegi saaya bhi teraa tujh ko kahin chhoD jaaegaa aai bhi tere kaam to tanhaai aaegi garmi bahut hai aaj khulaa rakh makaan ko us ki gali se raat ko purvaai aaegi kaafi hai jo ghazal ke liye kah liyaa 'khalil' aage qadam rakhegaa to gahraai aaegi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"