zahraab-e-gham ko aab-e-baqaa kah liyaa karo — Abdussamad ’Tapish’

"jafaa ke zikr pe vo bad-havaas kaisaa hai zaraa si baat thi lekin udaas kaisaa hai na jaane kaun fazaaon mein zahr ghol gayaa haraa-bharaa saa shajar be-libaas kaisaa hai miri tarah se na haq baat tum kaho dekho balaa kaa saaya mire aas-paas kaisaa hai ye faisla hai ki ham apne haq se baaz aaein to phir ye lahja ye tiraa, iltimaas kaisaa hai vahi jo shahr ke logon mein thaa bahut bad-naam vahi to aaj saraapaa sipaas kaisaa hai main kyaa kahun ki main kyuun dil se ho gayaa majbur tum hi bataao ki vo khush-libaas kaisaa hai"

"khauf-o-vahshat bar-sar-e-baazaar rakh jaataa hai kaun yuun rag-e-ehsaas par talvaar rakh jaataa hai kaun kyuun vo milne se gurezaan is qadar hone lage mere un ke darmiyaan divaar rakh jaataa hai kaun mimbar-o-mehraab se aatish-fishaan hote to hain vaqt ki dahliz par dastaar rakh jaataa hai kaun bas khudaa ghaafil nahin hai varna is manjdhaar mein meri kashti ke liye patvaar rakh jaataa hai kaun ye miraa zauq-e-safar hai varna aisi dhuup mein har qadam par ik shajar chhitnaar rakh jaataa hai kaun dil baDi naazuk si shai hai un se itnaa puchhiye TuuTe shishon kaa yahaan ambaar rakh jaataa hai kaun tirgi apnaa muqaddar likh chuki phir bhi 'tapish' aaine mein ik ghalat pindaar rakh jaataa hai kaun"

"main zabaan-e-khalq par ik zamzama ban jaaungaa is tarah bikhrungaa main ki qaafila ban jaaungaa shab ki tanhaai mein bhi tanhaa nahin rah paaoge main tumhaare vaaste ik masala ban jaaungaa gard-e-maazi se nikal kar haal-o-mustaqbil ke biich aati jaati lahr kaa ik silsila ban jaaungaa mujh tak aa kar yuun guzar jaanaa to kuchh aasaan nahin har qadam par daaera-dar-daaera ban jaaungaa be-sukun lamhaat mein mujh ko barat kar dekhnaa main sukun-e-qalb kaa ik vaasta ban jaaungaa raaste masdud hon to main tumhaare vaaste irtiqaai manzilon kaa raabta ban jaaungaa"

"garche nezon pe sar hai maut to vaqt par hai kaun patthar uThaae ye shajar be-samar hai ghonsla zindagi kaa saans ki shaakh par hai koi dushman nahin hai mujh ko apnaa hi Dar hai shak bhi kiije to kis par vo baDaa mo'tabar hai zad mein aandhi ke aksar ek meraa hi ghar hai apni pahchaan rakhnaa bhiiD har moD par hai mere maulaa 'tapish' ko ishq-e-khair-ul-bashar hai"

"ek bhi chain kaa bistar nahin hone detaa mere ghar ko vo miraa ghar nahin hone detaa nit-nayaa ek shagufa vo dikhaataa hai mujhe zulm ki had vo muqarrar nahin hone detaa sab ko dikhlaataa hai vo chhoTaa banaa kar mujh ko mujh ko vo mere baraabar nahin hone detaa kaisi saazish hai ye us ki zaraa main bhi dekhun kyuun mujhe vo sar-e-manzar nahin hone detaa khauf kaisaa hai ye shaahin ke qabile mein 'tapish' kyuun mamlun mein koi par nahin hone detaa"

"tamaam bughz 'adaavat chhupaa ke lahje mein vo boltaa hai kisi rahnumaa ke lahje mein 'ajib karb-o-balaa hai fazaa ke lahje mein ye kaun chikh paDaa hai du'aa ke lahje mein dilon mein garmi-e-ehsaas de gai sab ke kuchh aisi baat kahi hai du'aa ke lahje mein na jaane khalq-e-khudaa kis hisaab mein rakh le vo boltaa hai bahut aashnaa ke lahje mein ye kaisi bu-e-'adaavat tamaam phail gai ye kaisaa zahr ghulaa hai havaa ke lahje mein vo sakht dil hai magar sakht bhi nahin itnaa zaraa jo baat karo iltijaa ke lahje mein"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"