zauq-e-nazar baDhaaiye gulzaar dekh kar — Akhtar Husain Shaafi

"sad-haif adam ko Thukraa kar hasti ki ziyaarat kar baiThe naadaan the ham naadaani mein jiine ki himaaqat kar baiThe khaaliq ne navaazaa roz-e-azal kis tarah hamein kyaa batlaaein lekin jo amaanat paai thi ham us mein khayaanat kar baiThe is des mein jab har rahzan ko rahbar kaa sharaf paate dekhaa qadron ke muhaafiz ho kar bhi qadron se baghaavat kar baiThe nau-khez gulon ke aariz par jo maut ki zardi le aai us baad-e-sabaa se ghabraa kar tufaan se mohabbat kar baiThe vo daur gayaa jab zaalim ko maail-ba-karam karti thi vafaa ham kar ke mohabbat dushman se saamaan-e-qayaamat kar baiThe aazaar na jaane kitne the 'shaafi' se mudaavaa kyaa hotaa tauhid ke divaane the magar asnaam ki taaat kar baiThe"

"hai yaqin mujhe miraa ham-nashin miri is adaa se khafaa nahin na jhukegaa sar dar-e-husn par ki sanam sanam hai khudaa nahin miri aarzu miri aashiqi hai junun ki shiddaton se bari ye mazaaq-e-nau hai baDaa ajab ki main sirf tujh pe fidaa nahin zaraa duur hain miri manzilein tu nazar uThaa na khafaa ho yuun mire ham-safar miraa raasta tire raaste se judaa nahin hai jo gham-zadon ke dilon kaa gham vo hamaare dil kaa bhi gham bane vo amiir ho ki gharib ho ye bashar bashar se judaa nahin jo khushi mili hai vo kam sahi chalo ham sabhi use baanT lein na piye kisi kaa koi lahu ki lahu hai zahr davaa nahin ye jo dil hai jaam-e-gharaz nahin ye makaan tavil-o-ariz hai kisi dard ko na mile jagah miraa dil to aisaa banaa nahin main faraar zaat se kyaa karun hai ye zaat apne mein kaaenaat mujhe fakhr hai miri shaairi miri zindagi se judaa nahin"

"ham dard-e-nihaan ko mahfil mein rusvaa-e-hikaayat kar na sake kahne ko bahut kuchh thaa lekin kuchh un se khitaabat kar na sake ai husn zaraa dam bhar ke liye kuchh shokh tujhe bhi honaa thaa do dil the fidaa aapas mein magar izhaar-e-mohabbat kar na sake guzre hue lamhon ki yaadein ab shauq-e-vafaa se kahti hain jo shai thi qarib-e-qalb-o-jigar us shai se rifaaqat kar na sake har shauq baDhaa kar sapne mein zahmat to uThaai raahon ki pahunche to dar-e-kaaba pe magar kaabe ki ziyaarat kar na sake siine mein khalish hai furqat ki betaab tamanna hai meri jo ham se mohabbat karte the ham un pe inaayat kar na sake chanchal bhi vo the chaalaak bhi the par sharm-o-hayaa bhi aisi thi ham man ke puraane paapi bhi kuchh un se sharaarat kar na sake vaaiz ne kahaa thaa zabt karo jazbaat-e-mohabbat ko lekin ham us ki hidaayat par chal kar is dil ki hifaazat kar na sake duniyaa ke ghamon kaa khauf nahin bebaak musaafir ko 'shaafi' dam bhar ke liye palkon ke tale afsos iqaamat kar na sake"

"bandish-e-alfaaz hi se shaairi hoti nahin sirf ji lene se jaise zindagi hoti nahin shaairi kaifiyyat-e-jazb-o-junun kaa naam hai ye na ho to shaairi phir shaairi hoti nahin jo bhi ho lekin hamaare vaaste ye shaairi parda-daar-e-raaz-haa-e-zindagi hoti nahin garmi-e-jazbaat mein imkaan hasin dhoke kaa hai dil ki chingaari farogh-e-daaimi hoti nahin paak hotaa hai junun-o-justuju se raazdaan raaz-daani be-niyaaz-e-aagahi hoti nahin mukhtalif ik dusre se hain haqiqat aur majaaz kucha-e-mahbub kaaba ki gali hoti nahin"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"