zavaal-e-husn ko husn-e-nigaar kyaa jaane — Tilok Chand Mahroom

"nazar uThaa dil-e-naadaan ye justuju kyaa hai usi kaa jalva to hai aur ru-ba-ru kyaa hai kisi ki ek nazar ne bataa diyaa mujh ko surur-e-baada-e-be-saaghar-o-subu kyaa hai qafas azaab sahi bulbul-e-asir magar zaraa ye soch ki vo daam-e-rang-o-bu kyaa hai gadaa nahin hain ki dast-e-savaal phailaaein kabhi na aap ne puchhaa ki aarzu kyaa hai na mere ashk mein shaamil na un ke daaman par main kyaa bataaun unhein khun-e-aarzu kyaa hai sukhan ho sama-kharaashi to khaamushi behtar asar kare na jo dil par vo guftugu kyaa hai"

"is kaa gila nahin ki duaa be-asar gai ik aah ki thi vo bhi kahin jaa ke mar gai ai ham-nafas na puchh javaani kaa maajraa mauj-e-nasim thi idhar aai udhar gai daam-e-gham-e-hayaat mein uljhaa gai umiid ham ye samajh rahe the ki ehsaan kar gai is zindagi se ham ko na duniyaa mili na diin taqdir kaa mushaahida karte guzar gai anjaam-e-fasl-e-gul pe nazar thi vagarna kyuun gulshan se aah bhar ke nasim-e-sahar gai bas itnaa hosh thaa mujhe roz-e-vidaa-e-dost viraana thaa nazar mein jahaan tak nazar gai har maujh-e-aab-e-sindh hui vaqf-e-pech-o-taab 'mahrum' jab vatan mein hamaari khabar gai"

"vo dil kahaan hai ahl-e-nazar dil kahein jise yaani niyaaz-e-ishq ke qaabil kahein jise zanjir-e-gham hai khud miri khvaahish kaa silsila yaa zulf-e-kham-ba-kham ki salaasil kahein jise miltaa hai mushkilon se kisi ke huzur kaa vo ek lahza ziist kaa haasil kahein jise kashti shikastgaan-e-yam-e-iztiraab ko teraa hi ek naam hai saahil kahein jise paati nahin farogh ba-juz soz-o-saaz-e-ishq sham-e-hayaat dar-khur-e-mahfil kahein jise is dil ko shaad rakhne ki khidmat mili mujhe gham-haa-e-rozgaar ki manzil kahein jise is daur-e-qadr-daan-e-sukhan mein ye ittifaaq shaair vahi hai raunaq-e-mahfil kahein jise 'mahrum' chaak-e-sina-e-har-gul mein hai vo chiiz taasir-e-naala-haa-e-anaadil kahein jise"

"hijraan ki shab jo dard ke maare udaas hain un ki nazar mein chaand sitaare udaas hain aankhein vo phir gaiin ki zamaana ulaT gayaa jiite the jo nazar ke sahaare udaas hain kyaa hiir ab kahin hai na raanjhe kaa jaan-nashin kyuun ai chanaab tere kinaare udaas hain behtar hai ham bhi chashm-e-jahaan-bin ko muund lein duniyaa ke ab tamaam nazaare udaas hain 'mahrum' kyaa kalaam bhi apnaa fanaa huaa kyuun ham ko kho ke dost hamaare udaas hain"

"fitna-aaraa shorish-e-ummid hai mere liye naa-ummidi raahat-e-jaaved hai mere liye dekhtaa huun har kahin husn-e-azal kaa inikaas zarra zarra ghairat-e-khurshid hai mere liye saaf aataa hai nazar anjaam har aaghaaz kaa zindagaani maut ki tamhid hai mere liye jaag uThti hai tah-e-daamaan-e-shab se subh-e-nau maut kyaa hai ziist ki tajdid hai mere liye"

"badnaam huun par aashiq-e-badnaam tumhaaraa naakaam huun par taalib-e-naakaam tumhaaraa main is ko na bechun evaz-e-mulk-e-sulaimaan hai sabt sar-e-khaatim-e-dil naam tumhaaraa yaan saaghar-e-dil khun-e-tamannaa se bharaa hai par baada-e-gulgun se vahaan jaam tumhaaraa mahrumi-e-qismat hai miri khaas vagarna mashhur-e-jahaan hai karam-e-aam tumhaaraa jachte nahin nazron mein mah-o-mehr ke jalve rahtaa hai tasavvur sahar-o-shaam tumhaaraa tum jis se phiro us se ho bargashta zamaana dam bharne lagi gardish-e-ayyaam tumhaaraa ghaflat mein kaTi jaati hai 'mahrum' javaani achchhaa nazar aataa nahin anjaam tumhaaraa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"