zikr-e-shab ke saiid ho gae kyaa — Farhat Abbas

"ham se mil kar koi guftugu kijiye puuri dil ki yahi justuju kijiye aap ki dushmani kaa main huun mo'tarif vaar kiije magar du-badu kijiye daaman-e-dil ki laakhon huiin dhajjiyaan kijiye kijiye ab rafu kijiye phuul mausam mein kaanTon ke bevpaar se jism-o-jaan-o-jigar mat lahu kijiye zindagi ho magar dard-e-hijraan na ho aise jiine ki kyaa aarzu kijiye aap kitne hasin hain nahin jaante aaine ko zaraa ru-ba-ru kijiye 'farhat'-e-jaan ki kyuun justuju kijiye bujhte jivan ki kyaa ab numu kijiye"

"shahr-dar-shahr dida-var bhaTke zoam-e-baatil mein taajvar bhaTke khud-sari mein jo mo'atabar bhaTke ham-safar un ke be-khabar bhaTke fan ki pagDanDiyon pe chalte hue kabhi bhaTke to be-hunar bhaTke ham jo bhaTke to naa-shanaasaa the raahbar kyuun idhar udhar bhaTke ek aalam ko jis ne bhaTkaayaa kabhi yuun ho ki vo nazar bhaTke apni manzil kaa ilm hote hue phir bhi ham jaan-bujh kar bhaTke zindagi ke libaas-e-khasta mein dhuup mein ham barahna-sar bhaTke kis mein himmat thi ham ko bhaTkaataa apni khvaahish pe umr-bhar bhaTke haae us gul-badan ki hasrat mein yuun bhaTaknaa na thaa magar bhaTke us ko bhi paa sake nahin 'farhat' jis ki khvaahish mein dar-ba-dar bhaTke"

"jalva hai vo ki taab-e-nazar tak nahin rahi dekhaa use to apni khabar tak nahin rahi ehsaas par garaan rahaa ehsaas kaa tilism ye umr ki takaan safar tak nahin rahi jin par tumhaare aane se khilte rahe gulaab ab dil mein aisi raahguzar tak nahin rahi ik din vo ghar se nikle nahin sair ke liye ab khvaahish-e-numu mein sahar tak nahin rahi jis ko chhuaa thaa ham ne kaDi dhuup jhel kar vo chhaanv bhi to zer-e-shajar tak nahin rahi khush hai vo aankh kaar-e-masihaai chhoD kar taasir us ki zakhm-e-jigar tak nahin rahi tum kaise mausamon mein hamein milne aae ho peDon pe ab to shaakh-e-samar tak nahin rahi 'farhat' main dastakein liye haathon mein rah gayaa meri rasaai ab tire dar tak nahin rahi"

"khayaal aatishin khvaabida suratein di hain sakhaa-e-hijr ne ab bhi numaaishein di hain ye ab jo khvaab zamaanon ne dastakein di hain pas-e-muraad haqaaeq ki manzilein di hain mire libaas ke paivand-e-muflisi pe na jaa mire junun ne mohabbat ko khilatein di hain mire mizaaj kaa mausam ajiib mausam hai ki jis ke gham ne bhi hasti ko raunaqein di hain ham ahl-e-ishq ne taavaan raahatein de kar hudud-e-arsa-e-vahshat ko vusatein di hain chalo ye baat ghalat hai to phir bataao mujhe har ek haath mein kis kis ne mishalein di hain shuur jaae to fursat se niind bhi aae fishaar-e-zaat ne 'farhat' ko ranjishein di hain"

"jab tiri zaat ko phailaa huaa dariyaa samjhun khud ko bhigi hui raaton mein akelaa samjhun naam likkhun main tiraa duur khalaaon mein kahin aur har lafz ko phir chaand se pyaaraa samjhun yaad ki jhiil mein jab aks nazar aae tiraa aankh se ashk bhi Tapke to sitaaraa samjhun dastakein detaa rahaa raat jo galiyon mein use zehn aavaara kahun niind kaa maaraa samjhun vo jo aa jaaein mire paas to un ko 'farhat' dukh ki baDhti hui baaraat kaa dulhaa samjhun"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"