Ghazal

jaadu thi sehr thi balaa thi

zaalim ye tiri nigaah kyaa thi

kidhar hai kahaan hai khush-dili tu

ham se bhi kabhu tu aashnaa thi

· · ·

puchhtaa kaun hai Dartaa hai tu ai yaar abas

qatl karne se mire hai tujhe inkaar abas

kyaa miri aankh adam biich lagi thi ai charkh

kiyaa us khvaab se tu ne mujhe bedaar abas

· · ·

shikva apne taaleon ki naa-rasaai kaa karun

yaa gila ai shokh teri bevafaai kaa karun

vo ki ik muddat talak jis ko bhalaa kahtaa rahaa

aah ab kis munh se zikr us ki buraai kaa karun

· · ·

yaa rab na hind hi mein ye maaTi kharaab ho

jaa kar najaf mein khaak-e-dar-e-bu-turaab ho

saaya kare vo lutf se saaya jise na thaa

jis vaqt roz-e-hashr mein garm aaftaab ho

· · ·

main tire Dar se ro nahin saktaa

gard-e-gham dil se dho nahin saktaa

ashk yuun tham rahe hain mizhgaan par

koi moti piro nahin saktaa

· · ·

le ke dil us shokh ne ik daagh siine par diyaa

jo liyaa us kaa evaz us se mujhe behtar diyaa

duur tujh se saaghar-e-mai par nazar main ne jo ki

kaasa apnaa chashm ne khunaab-e-dil se bhar diyaa

· · ·

kahtaa hai kaun hijr mujhe subh o shaam ho

par vasl mein bhi lutf nahin jo mudaam ho

shikva kiyaa ho mere lab-e-zakhm ne kabhu

to mujh pe aab-e-tegh ilaahi haraam ho

· · ·

ye aarzu hai ki vo naama-bar se le kaaghaz

balaa se phaaD ke phir haath mein na le kaaghaz

vo kaun din hai ki ghairon ko khat nahin likhtaa

qalam ke ban ko lage aag aur jale kaaghaz

· · ·

raat us tunuk-mizaaj se kuchh baat baDh gai

vo ruuTh kar gayaa to ghazab raat baDh gai

ye kahiyo ham-nashin mujhe kyaa kyaa na kah gae

main ghaT gayaa na aap ki kuchh zaat baDh gai

· · ·

zulf teri ne pareshaan kiyaa ai yaar mujhe

teri aankhon ne kiyaa aap saa bimaar mujhe

dil bujhaa jaae hai aghyaar ki shorish pe miraa

sard karti hai tiri garmi-e-baazaar mujhe

· · ·

dil ab us dil-shikan ke paas kahaan

chiil ke ghonsle mein maas kahaan

sabr bimaar-e-ishq ki hai davaa

par tabiat se meri raas kahaan

· · ·

teraa sitam jo mujh se gadaa ne sahaa sahaa

tu baadshah hai jo mujhe tu ne kahaa kahaa

daaman tere se lag luun agar de razaa mujhe

ye naa-tavaan ghubaar agar yaan rahaa rahaa

· · ·

na faqat yaar bin sharaab hai talkh

aish o aaraam o khurd o khvaab hai talkh

miThi baatein kidhar gaiin pyaare

ab to har baat kaa javaab hai talkh

· · ·

mat sataa mujh ko aan aan aziiz

Tuk kahaa bhi kisi kaa maan aziiz

kyunke dil us se pher luun naaseh

jis se rakhtaa nahin huun jaan aziiz

· · ·

jaa kahe ku-e-yaar mein koi

mar gayaa intizaar mein koi

chhoD sau kaam aa pahunch saaqi

jaan-ba-lab hai khumaar mein koi

· · ·

ye khub-ru na chhuri ne kaTaar rakhte hain

nigaah-e-lutf se aalam ko maar rakhte hain

charaagh-e-gor na sham-e-mazaar rakhte hain

bas ek ham ye dil daaghdaar rakhte hain

· · ·

koi kisi kaa kahin aashnaa nahin dekhaa

sivaae us ke in aankhon ne kyaa nahin dekhaa

ye log man' jo karte hain 'ishq se mujh ko

inhon ne yaar ko dekhaa hai yaa nahin dekhaa

· · ·

farhaad kis umiid pe laataa hai ju-e-shir

vaan khuun ki havas hai nahin aarzu-e-shir

hai us javaan ki baat mein ab to lahu ki baas

ve din gae ki aati thi us munh se bu-e-shir

· · ·

ishva hai naaz hai ghamza hai adaa hai kyaa hai

qahr hai sehr hai jaadu hai balaa hai kyaa hai

yaar se meri jo karte hain sifaarish aghyaar

makr hai uzr hai qaabu hai daghaa hai kyaa hai

· · ·

jo zamin par faraagh rakhte hain

aasmaan par dimaagh rakhte hain

saaqi bhar bhar unhin ko de hai sharaab

jo ki labrez ayaagh rakhte hain

· · ·