Ghazal

"phir apni zaat ki tira-hadon se baahar aa tu ab to zabt ke in shobadon se baahar aa main dekh lungaa tire asp tere zor-aavar bas ek baar tu apni hadon se baahar aa dahak dahak ke bahalte dinon ke aansu ponchh azaan-e-gung mire gumbadon se baahar aa tujhe main ghaur se dekhun main tujh se pyaar karun ai mere but tu mire but-kadon se baahar aa tavil aur na kar ab visaal ki saaat navaa-e-subh-e-safar maabadon se baahar aa tu ab to phoD le aankhein tu ab to ro 'jaaved' tu ab to zabt ke in shobadon se baahar aa"

"meri tahriron kaa mahvar ek be-sar faakhta meraa naara khaamushi meraa payambar faakhta ek aangan qahqahon aur siskiyon se be-khabar chhat pe ik parcham phaTaa saa aur dar par faakhta tere raston ki rukaavaT shaakh ik zaitun ki tere aivaanon ke andar jaagtaa Dar faakhta shaam pyaari shaam us par bhi koi dar khol de shaakh par baiThi hui hai ek beghar faakhta ek jaanib ujle paani kaa bulaavaa aur huaa dusri samt ik akeli aur be-par faakhta"

"raat ke khaali fōTpaathon par ghumnaa phirnaa sochte rahnaa aankh mein jaagti nindein le kar ghumnaa phirnaa sochte rahnaa bahke bahke lahje mein kuchh baatein karnaa chup ho jaanaa kholte rahnaa khvaabon ke dar ghumnaa phirnaa sochte rahnaa yaadon ke dar-band darichon mein aankhein laTkaae rakhnaa ginnaa apne hi TuuTe par ghumnaa phirnaa sochte rahnaa be-khvaabi ki mishal le kar niind kaa rasta DhunDnaa 'anvar' khule hue hain raat ke dar par ghumnaa phirnaa sochte rahnaa"

"muhib raat ke gunjaan paaniyon se nikal nai sahar ke sitaare tu chimniyon se nikal har ek had se pare apnaa boriyaa le jaa badi kaa naam na le aur nekiyon se nikal ai mere mehr tu us ki chhaton pe aakhir ho ai mere maah tu aaj us ki khiDkiyon se nikal nikal ke dekh tiri muntazir qataar qataar aziiz daana-e-gandum tu boriyon se nikal tu meri nazm ke asraar mein huvaidaa ho tu mere kashf ki naadida ghaaTiyon se nikal ai pichhli umr idhar sukhi pattiyon mein aa ai agle saal bujhi mom-battiyon se nikal"

"makaan soe hue the abhi ki dar jaage thakan miTi bhi na thi aur nae safar jaage jo din chaDhaa to hamein niind ki zarurat thi sahar ki aas mein ham log raat bhar jaage jakaD rakhaa thaa fazaa ko hamaare naaron ne jo lab khamosh hue to dilon mein Dar jaage hamein Daraaegi kyaa raat khud hai sahmi hui badan to jaagte rahte the ab ke sar jaage uThaao haath ki vaqt-e-qubuliyat hai yahi duaa karo ki duaaon mein ab asar jaage"

"be-tuki raushni mein paraae andhere liye ek manzar hai tere liye ek mere liye ik gul-e-khvaab aisaa khulaa shaakh murjhaa gai main ne masti mein ik ism ke saat phere liye dar dariche muqaffal kiye kunjiyaan pheink diin chal paDe apne kandhon pe apne basere liye teri khaatir mire garm khitte ki ThanDi havaa sab hari Tahniyaan aur un par khile phuul tere liye shaam-e-vaada ne kis din hamaaraa iraada sunaa kab kise shab mili aur kis ne savere liye"

"vahi harf hain vahi zarf hain vahi roz-o-shab hain saraab se vo malaahaton kaa khumaar saa vo mohabbaton ke sahaab se na kisi kamaan mein tiir hai na gulaab hain kisi haath mein mire shahr ke sabhi log hain kisi ajnabi si kitaab se tire baad bhi vahi Dhang hain vahi nakhl-sokhta rang hain vahi intizaar-e-tuyur hai vahi barg-e-sabz ke khvaab se jo kabhi ye baab-e-alam khulaa the har ek halqa-e-chashm mein pas-e-parda-e-gham-e-dostaan faqat apne apne azaab se miri dosti bhi ajiib thi vahi aashnaa vahi ajnabi kabhi phuul baais-e-zakhm thaa kabhi sang bhi the gulaab se"

"ajiib saaneha guzraa hai in gharon pe koi ki chaunktaa hi nahin ab to dastakon pe koi ujaaD shahr ke raste jo ab sunaate hain yaqin kartaa hai kab un kahaaniyon pe koi hai baat duur ki manzil kaa sochnaa ab tu ki rasta khultaa nahin hai musaafiron pe koi vo khauf hai ki badan pattharon mein Dhalne lage 'ajab ghaDi ki duaa bhi nahin labon pe koi havaa bhi tez na thi jab parinda aa ke giraa nahin thaa zakhm bhi 'jaaved' in paron pe koi"

"'ajab khvaabon se meraa raabta rakkhaa gayaa thaa mujhe soe-huon mein jaagtaa rakkhaa gayaa thaa vo koi aur ghar the jin mein tayyab rizq pahunche hamein to bas qataaron mein khaDaa rakkhaa gayaa thaa mo'attal kar diye aa'zaa se aa'zaa ke ravaabit yahaan jismon ko aankhon se judaa rakkhaa gayaa thaa vo jis par sirf phulon ki du'aaein phuTti hain usi miTTi mein vo dast-e-du'aa rakkhaa gayaa thaa"

"nikal gulaab ki muTThi se aur khushbu ban main bhaagtaa huun tire pichhe aur tu jugnu ban tu mere dard ki khaamosh hichkiyon mein aa tu mere zakhm ki tanhaaiyon kaa aansu ban main jhiil bantaa huun shaffaaf paaniyon se bhari tu dauD dauD thakaa be-qaraar aahu ban tu meri raat ki taarikiyon ko gaaDhaa kar mire makaan kaa tanhaa charaagh bhi tu ban phir us ke baad sabhi vusatein hamaari hain main aankh bantaa huun 'jaaved' aur tu baazu ban"

"koi kahaani koi vaaqia sunaa to sahi agar hansaa nahin saktaa mujhe rulaa to sahi kisi ke hijr kaa chhallaa kisi visaal ki chhaap bichhaD ke mujh se tujhe kyaa milaa dikhaa to sahi kabhi bulaa to sahi apne aastaane par mujhe bhi apnaa koi moajaza dikhaa to sahi main khuud se chhup ke tujhe pyaar karne aaungaa tu ek baar mujhe bhuul kar bulaa to sahi kise khabar yahin teraa shikaar ho 'jaaved' tu chand tiir andhere mein hi chalaa to sahi"

"havaa chalegi magar sitaaraa nahin chalegaa samundaron mein tiraa ishaaraa nahin chalegaa yahi raheinge ye dar ye galiyaan yahi raheingi tumhi chaloge koi nazaara nahin chalegaa shab-e-safar hai hatheliyon par bhanvar ugeinge tumhaare ham-raah ab kinaaraa nahin chalegaa suno ki ab ham gulaab deinge gulaab leinge mohabbaton mein koi khasaara nahin chalegaa bahaar maqruz hai gharon aur maqbaron ki gulon pe raston kaa hi ijaara nahin chalegaa"