Ghazal

"vo zarre ki shams-o-qamar ho gae vo anjum ghubaar-e-guzar ho gae kuchh aasaan the raste na ham chal sake jo mushkil hadaf the vo sar ho gae har ik baat dil ki kahein barmalaa sanam bhi to kaise niDar ho gae luTaa kar dil-o-jaan rah-e-'ishq mein hue kaamraan mo'tabar ho gae tumhaari gali mein vo haalat hui ki be-kaar saare hunar ho gae lage manzilon se bhale raaste hamaare vo jab ham-safar ho gae khudaa-e-‘ahad ko bhulaa kar 'junaid' jahaan mein khudaa kis qadar ho gae"

"jab jab koi sar jaataa hai sach ko zinda kar jaataa hai dhaDkan hi to tham jaati hai kaun bichhaD kar mar jaataa hai ghairon jaisaa teraa lahja dil ko ghaail kar jaataa hai roz ik sapnaa main buntaa huun roz ik sapnaa mar jaataa hai sapnaa to phir sapnaa Thahraa aakhir tanhaa kar jaataa hai jivan aisaa panchhi hai jo uDte uDte mar jaataa hai jaane vaalaa yaar 'sikandar' jiinaa mushkil kar jaataa hai"

"main us ke naazuk dhiyaan mein huun yaa us ke vahm-o-gumaan mein huun churaa na mujh se nazar ai jaanaan ki main bhi is daastaan mein huun miraa hadaf hai nazar mein meri magar abhi main kamaan mein huun asar hai maan ki du'aa mein aisaa khudaa ke hifz-o-amaan mein huun kisi ki baanhon mein hosh kab hai zamin pe yaa aasmaan mein huun hijaaz mein huun ki ai 'sikandar' main rif'aton ke jahaan mein huun"

"main aaina vafaa kaa huun mujhe dil mein sajaa rakhnaa ye saughaat-e-mohabbat hai zamaane se chhupaa rakhnaa bahaarein phir se aaeingi khizaaein maat khaaeingi zaraa dil ko javaan rakhnaa zaraa saa hausla rakhnaa yaqinan manzilein chhu kar musaafir lauT aaeinge diye rakhnaa munDeron par ye darvaaza khulaa rakhnaa sajaa rakkhaa hai aankhon ne hasin manzar nigaahon mein zaraa sharmaa ke daanton mein tiraa aanchal dabaa rakhnaa khafaa honaa bhi ulfat hai manaa lenaa mohabbat hai gila dil mein agar ho bhi labon par tum du'aa rakhnaa miraa jivan miri jaan bhi miri dhaDkan miraa dil bhi tumhaare the tumhaare hain tumhi jaanaan sadaa rakhnaa kahin zulfon ke saae hain kahin jaadu nigaahon kaa baDaa mushkil hai is dil ko 'sikandar' ji bachaa rakhnaa"

"gul-o-gulzaar ki maanind sabza-zaar ki maanind yahaan jivan kisi ko hai rah-e-pur-khaar ki maanind kabhi sochon ki duuri par kabhi dil ki lage dhaDkan kabhi apnon se baDh kar vo kabhi aghyaar ki maanind abhi garmi abhi sardi abhi rim-jhim abhi tufaan yahaan mausam badaltaa hai mizaaj-e-yaar ki maanind idhar kaliyaan udhar khush-bu idhar bulbul udhar kuuku chaman saaraa mahaktaa hai khayaal-e-yaar ki maanind kabhi haan to kabhi naan hai kabhi sho'la kabhi shabnam kabhi sahraa mizaaj us kaa kabhi gulzaar ki maanind miri basti pe suraj hai savaa neze ki duuri par ki saaya bhi sulagtaa hai yahaan divaar ki maanind ye kusht-o-khun ki holi sabhi ke ru-baru hai ab hue hain log bhi be-his yahaan sarkaar ki maanind"

"kabhi khud ko sanvaaraa hi nahin hai mire dil ko gavaaraa hi nahin hai tiri murat ko ai jaanaan qasam se kabhi dil se utaaraa hi nahin hai usi lamhe kaa hai baaqi nasha jo kabhi ham ne guzaaraa hi nahin hai junun aisaa hai dariyaa is jahaan mein koi jis kaa kinaaraa hi nahin hai dil-e-bismil gham-o-hasrat kahaan tak kahaa thaa vo hamaaraa hi nahin hai judaai ke sabab honge yaqinan qusur is mein tumhaaraa hi nahin hai palaT aataa tumhaaraa ye 'sikandar' magar tum ne pukaaraa hi nahin hai"

"zindagi kaa safar mukhtasar mukhtasar saans ki hai Dagar mukhtasar mukhtasar khvaahishein har ghaDi nit-nai nit-nai zindagi hai magar mukhtasar mukhtasar tirgi ki jagah mustaqil hai yahaan nuur kaa mustaqar mukhtasar mukhtasar jhuuT ki raat hai zindagi se baDi saanch ki har sahar mukhtasar mukhtasar hijr kaa ek pal ik sadi saa lage vasl kaa har pahar mukhtasar mukhtasar khushbuon si lagi hain tiri qurbatein khushbuon kaa asar mukhtasar mukhtasar lafz do hi kahe the to us ne kahaa boliye ji magar mukhtasar mukhtasar"