Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Maher Chand Kausar
yuun shab-e-hijr teri yaad aai
duur bajti ho jaise shahnaai
aap apni hansi uDaataa huun
khud tamaasha huun khud-tamaashaai
· · ·
Maher Chand Kausar
tark-e-ulfat kaa iraada bhi nahin
un se izhaar tamannaa bhi nahin
vaqt kaTtaa hi na thaa jis ke baghair
us ko muddat hui dekhaa bhi nahin
· · ·
Maher Chand Kausar
na jaane kaun hai dekhaa huaa saa lagtaa hai
ik ajnabi hai magar aashnaa saa lagtaa hai
tazaad-e-surat-o-sirat pe ab yaqin aayaa
vo bevafaa hai magar baa-vafaa saa lagtaa hai
· · ·
Maher Chand Kausar
bhare jahaan mein koi raazdaar bhi na milaa
qaraar DhunDne nikle qaraar bhi na milaa
ye meri sokhta-bakhti nahin to phir kyaa hai
vo phuul laae to meraa mazaar bhi na milaa
· · ·
Maher Chand Kausar
vaa'da-e-subh tiraa shaam tak aa pahunchaa hai
shauq kis hasrat-e-naakaam tak aa pahunchaa hai
pesh-khema hai kisi ranj-e-digar kaa shaana
dard kuchh surat-e-aaraam tak aa pahunchaa hai
· · ·
Maher Chand Kausar
aain-e-asiri ke ye meaar nae hain
zindaan to vahi hai dar-o-divaar nae hain
ikhlaas makinon kaa to dekhaa nahin ab tak
haan shahr ke sab kucha-o-baazaar nae hain
· · ·
Maher Chand Kausar
phir mujhe hausla-e-arz-o-bayaan mil jaae
kuchh dinon ke liye mujh ko bhi zabaan mil jaae
saamnaa hogaa to kuchh kah na sakeinge us se
jaane us bhiiD mein vo shokh kahaan mil jaae
· · ·
Maher Chand Kausar
charche tire khulus ke duniyaa mein kam na the
phir bhi tire karam ke sazaa-vaar ham na the
hogaa koi sharir saa jhonkaa nasim kaa
jis ne tiri naqaab uThaai vo ham na the
· · ·
Maher Chand Kausar
tasvir mein rang bhar rahe hain
milne kaa iraada kar rahe hain
khushiyaan hi nahin thiin saath mere
gham bhi mere ham-safar rahe hain
· · ·
Maher Chand Kausar
dekhtaa bhi hai dekhtaa bhi nahin
jaise vo mujh ko jaantaa bhi nahin
kis tarah aaj khud ko pahchaanun
mere ghar mein to aaina bhi nahin
· · ·