yuun shab-e-hijr teri yaad aai — Maher Chand Kausar

"tark-e-ulfat kaa iraada bhi nahin un se izhaar tamannaa bhi nahin vaqt kaTtaa hi na thaa jis ke baghair us ko muddat hui dekhaa bhi nahin jaisi guzri hai ghanimat hai magar zindagi teraa bharosa bhi nahin dil mein rakhtaa hai bahut kuchh lekin baat kahne ki vo kahtaa bhi nahin khuub saj-dhaj hai tumhaari phir bhi dekhnaa kaisaa vo taktaa bhi nahin ghuur kar dekhtaa rahtaa hai mujhe main ne us ko kabhi dekhaa bhi nahin baatein kartaa hai musalsal 'kausar' roz miltaa hai shanaasaa bhi nahin"

"na jaane kaun hai dekhaa huaa saa lagtaa hai ik ajnabi hai magar aashnaa saa lagtaa hai tazaad-e-surat-o-sirat pe ab yaqin aayaa vo bevafaa hai magar baa-vafaa saa lagtaa hai garaan na guzraa thaa aisaa ye intizaar kabhi ab ek lamha bhi sabr-aazmaa saa lagtaa hai unhein umiid ho taamil ki to kyuun kar ho ki un kaa hukm hi kuchh iltijaa saa lagtaa hai ye phuul saada-o-be-rang hi sahi lekin tumhaare joDe mein kyaa khushnumaa saa lagtaa hai vo bhaai bhaai hain rahte hain ek hi ghar mein magar diyon mein baDaa faasla saa lagtaa hai vo tum vo main vo lab-e-ju vo raat aur vo chaand ye ek khvaab hi kitnaa bhalaa saa lagtaa hai na mujh mein vasf na khubi na kuchh hunar phir bhi tamaam shahr miraa ham-navaa saa lagtaa hai ye aaj shahr mein kyaa baat ho gai 'kausar' jise bhi dekhiye sahmaa huaa saa lagtaa hai"

"bhare jahaan mein koi raazdaar bhi na milaa qaraar DhunDne nikle qaraar bhi na milaa ye meri sokhta-bakhti nahin to phir kyaa hai vo phuul laae to meraa mazaar bhi na milaa na jaane kaisi karaamat thi dast-e-saaqi mein ba-qaid-e-hosh koi hoshiyaar bhi na milaa chaman chaman mein udaasi kaa bol-baalaa hai bahaar kaisi nishaan-e-bahaar bhi na milaa bahut the aish ke lamhon mein jaan-nisaar apne paDaa jo vaqt koi gham-gusaar bhi na milaa main apne gaanv mein rah kar bhi ajnabi hi rahaa mujhe to apnon se thoDaa saa pyaar bhi na milaa kharaab hi rahi qismat khizaan-nasibon ki bahaar aai to lutf-e-bahaar bhi na milaa hansi to apnaa muqaddar na thi magar 'kausar' hamein to rone pe kuchh ikhtiyaar bhi na milaa"

"vaa'da-e-subh tiraa shaam tak aa pahunchaa hai shauq kis hasrat-e-naakaam tak aa pahunchaa hai pesh-khema hai kisi ranj-e-digar kaa shaana dard kuchh surat-e-aaraam tak aa pahunchaa hai meri vahshat ko na raas aai ye qaid-e-aadaab zikr phir meraa tire naam tak aa pahunchaa hai phuul khilte hi baDhaa dast-e-daraaz-e-gulchin kaif-e-aaghaaz hi anjaam tak aa pahunchaa hai jis ki vus'at ke liye tang the donon 'aalam vo junun tauf-e-dar-o-baam tak aa pahunchaa hai shauq suljhaataa hai phir zulf-e-pareshaan 'kausar' yaa'ni phir taair-e-dil daam tak aa pahunchaa hai"

"aain-e-asiri ke ye meaar nae hain zindaan to vahi hai dar-o-divaar nae hain ikhlaas makinon kaa to dekhaa nahin ab tak haan shahr ke sab kucha-o-baazaar nae hain dushman se to kuchh khauf na ab hai na kabhi thaa Dar ye hai ki ab mere taraf-daar nae hain baaqi nahin pahli si vo taqdis-e-mohabbat ab husn nayaa us ke parastaar nae hain pahchaan liyaa ham ne tumhein raah-numaao baatein vahi pairaaya-e-izhaar nae hain sahmaa huaa sannaaTaa hai makhdush fazaaein ab dekh ke chalegaa ye aasaar nae hain baazaar ki raunaq vahi pahli si hai 'kausar' itnaa hai ki is baar kharidaar nae hain"

"phir mujhe hausla-e-arz-o-bayaan mil jaae kuchh dinon ke liye mujh ko bhi zabaan mil jaae saamnaa hogaa to kuchh kah na sakeinge us se jaane us bhiiD mein vo shokh kahaan mil jaae ajnabi gaanv mein phirtaa huun ye ummid liye chhaanv darkaar hai thoDi si jahaan mil jaae kyaa tamaasha hai ki main qasd-e-nasheman le kar ghar se niklun to mujhe barq-e-tapaan mil jaae vahin aa jaataa hai naakaami-e-qismat kaa khayaal suud ki dil mein tamannaa ho ziyaan mil jaae kaash qaasid ko miraa haal sunaane ke liye chand lamhon ke liye meri zabaan mil jaae mere ashaar huun maqbul-e-zamaana 'kausar' mujh ko aisaa kahin andaaz-e-bayaan mil jaae"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"