Ghazal

"dariyaa hain phir bhi milte nahin mujh se yaar log jurat kahaan ki sahraa se hon ham-kanaar log jaadu fazaa kaa thaa ki havaa mein milaa thaa zahr patthar hue jahaan the vahin be-shumaar log ab saaya o samar ki tavaqqo kahaan ruke sukhe hue shajar hain sar-e-rahguzaar log dahshat khuli fazaa ki qayaamat se kam na thi girte hue makaanon mein aa baiThe yaar log ik dusre kaa haal nahin puchhtaa koi ik dusre ki maut pe hain sharmsaar log suraj chaDhaa to pighli bahut choTiyon ki barf aandhi chali to ukhDe bahut saaya-daar log"

"jis tarah badlaa huun main badlegi kyaa meri basti mujh ko pahchaanegi kyaa zakhm-e-sar hai aap apni daastaan pattharon se zindagi puchhegi kyaa tirgi ne maskh kar diin suratein aane vaali raushni dekhegi kyaa zehn mein rukne nahin paate khayaal jism ke uupar qabaa Thahregi kyaa main to jaan dete hue bhi hans paDun talkhi-e-zahraab gham sochegi kyaa dhuup aisi hai ki dariyaa suukh jaaein khuun ke chhinTon se rut badlegi kyaa ji rahaa huun dusron ke jism mein maut jiine se mujhe rokegi kyaa"

"jism ke neze par jo rakkhaa hai us mire sar mein jaane kyaa kyaa hai but banaayaa mire hunar ne mujhe mere haathon ne mujh ko toDaa hai bastiyaan ujDi hain to sannaaTaa meri aavaaz mein samaayaa hai main bhi be-jaD kaa peD huun shaayad mujh ko bhi Dar havaa se lagtaa hai shahr mein kuchh imaaraton ke sivaa ab miraa kaun milne vaalaa hai kahne sunne ko kuchh nahin baaqi milnaa-julnaa ajab saa lagtaa hai"

"us chashm-e-fusun-gar ke paimaane ki baatein hon maikhaane mein baiThe hain maikhaane ki baatein hon zulf-o-lab-o-aariz ki jannat mein pahunch jaaein us husn-e-mujassam ke kaashaane ki baatein hon lauTi hai sabaa hal kar us jaan-e-bahaaraan se armaanon ki kaliyon ke khil jaane ki baatein hon phir dukhne lage shaane baar-e-gham-e-hasti se phir shaane pe zulfon ke lahraane ki baatein hon phir vaqt ke siine ki dhaDkan na sunaai de phir jaam ke shishe se Takraane ki baatein hon is daur-e-haqiqat mein afsaana sahi ulfat kuchh raat kaTe aao afsaane ki baatein hon alfaaz se khinchein ham tasvir-e-lab-e-shirin zahr-e-gham duniyaa ko pi jaane ki baatein hon"

"muddat se jism barf mein jakDaa huaa saa hai maahaul mere siine mein baiThaa huaa saa hai kohre mein aankh phuuT gai tab khabar mili suraj miri talaash mein niklaa huaa saa hai har aankh mujh pe paDti hai talvaar ki tarah har shakhs mere khuun mein nahaayaa huaa saa hai nafrat ke jis pahaaD ke niche khaDaa huun main vo saari kaaenaat pe phailaa huaa saa hai ghar mein dhuaan bharaa hai ki baiThun to dam ghuTe baahar tamaam shahr sulagtaa huaa saa hai haan main ghunudgi ke dhundalke mein huun asiir haan meraa zehn sadiyon kaa jaagaa huaa saa hai"

"naakaam hi dil jo rahnaa thaa naakaam rahaa achchhaa hi huaa ab kiije kisi kaa shikva kyaa jo kuchh bhi huaa achchhaa hi huaa kuchh manzil kaa gham baDh jaataa kuchh raahein mushkil ho jaatin is tapti dhuup mein zulfon kaa saaya na milaa achchhaa hi huaa ab raah-e-vafaa ke patthar ko ham phuul nahin samjheinge kabhi pahle hi qadam par Thes lagi dil TuuT gayaa achchhaa hi huaa do chaar ghaDi hans-bol ke ham barson khuun ke aansu rote do chaar ghaDi bhi bazm-e-tarab mein ji na lagaa achchhaa hi huaa in jaadu karne vaalon ke kuchh bhed samajh mein aa to gae dil pyaar ke pichhe paagal thaa naakaam rahaa achchhaa hi huaa do ghunT se apni tishna-labi kyaa kam hoti kyuun kam hoti chhalkaa huaa saaghar haathon se gir kar TuuTaa achchhaa hi huaa har vaqt khizaan ke jhonkon se Darte rahte ham bhi 'manzar' siine mein kabhi armaanon kaa ghuncha na khilaa achchhaa hi huaa"

"ek jaise nim-jaan maahaul-o-manzar duur tak be-navaa be-naam logon ke samundar duur tak bas vahi lafzon ki baarish ek si har abr se ek se pyaasi zaminon ke muqaddar duur tak khaak hote aatish-e-ehsaas-e-mahrumi se dil barf-e-maayusi mein jakDe zehn aksar duur tak zindagi ko naaginon ki tarah Dasti goliyaan zahr baDhtaa phailtaa andar hi andar duur tak duur tak kaale dhuein mein khuun ki bu tairti tairti aur marsiye likhti havaa par duur tak"