Ghazal

"na kar hargiz na kar ye guftugu achchhaa nahin lagtaa vafaa kaa zikr mere ru-ba-ru achchhaa nahin lagtaa pilaai hai ghamon ne vo mai-e-rangin mat puchho ki ab mujh ko koi jaam-o-subu achchhaa nahin lagtaa shab-e-mahtaab ki ye chaandni phiki si lagti hai gul-e-khush-rang tere ru-ba-ru achchhaa nahin lagtaa ijaazat ho agar to sar main apnaa khud qalam kar luun tumhaari aastinon par lahu achchhaa nahin lagtaa ye mai-khaana hai kariye ehtiraam-e-mai-kashi saahib yahaan aae jo koi be-vuzu achchhaa nahin lagtaa"

"phir us ke siine mein dil hi nahin jigar hi nahin jo us ke husn kaa shaidaa nahin bashar hi nahin duaa mein pahle saa maaruf ab asar hi nahin nahin havaa kaa rukh jo badal de vo chashm-e-tar hi nahin jo dekhnaa ho use chashm-e-dil ko khol ke dekh ki us ke kuche mein to aql kaa guzar hi nahin sunaa ke haal-e-gham-e-dil jise sukun mile koi shanaasaa miraa itnaa mo'atabar hi nahin main pur-umid rahaa maarka koi bhi rahaa magar ye raat ki jis ki koi sahar hi nahin junun-e-shauq ne zaad-e-safar bhi chhin liyaa hamein phiraayaa faqat is ne dar-ba-dar hi nahin kuchh is tarah se hamein muflisi ne qaid kiyaa ki ab badan pe takhayyul ke baal-o-par hi nahin khushaa-nasib ki ham ko kuchh aise dost mile vafaa kaa jin ke dilon se koi guzar hi nahin"

"koi ham se chhin na paataa ye daulat aasaani se hiire jaisaa dil khoyaa hai apni hi naadaani se qaid hamein karne ki khaatir itni tadbirein tauba ham to teri zulfon mein hi bandh jaate aasaani se aaj talak bechain hai saagar sar paTke saahil saahil main ne ik tasvir banaa di thi aankhon ke paani se duniyaa ki is bhiiD mein bhi main aksar tanhaa rahtaa huun meraa kuchh naataa ho jaise sahraa ki viraani se pahron shaair khun-e-jigar ko phailaataa hai kaaghaz par milti hai ye ruuh ghazal ko socho kis qurbaani se"

"khumaar mein kabhi girte kabhi sanbhalte hue vo khvaab-gaah se nikle hain aankh malte hue nisaar karne lage apni jaan parvaane na jaane shama ne kyaa kah diyaa pighalte hue palaT palaT ke main dekhaa kiyaa usi jaanib ajiib haal thaa is shahr se nikalte hue ye maantaa huun ki masruf hain bahut lekin kabhi idhar bhi nikal aaiye Tahalte hue ye lag rahaa hai ki aane ko hai vo rashk-e-chaman ghazal-saraa hain havaaein bhi aaj chalte hue misaal-e-abr vo kyaa phuuT phuuT kar royaa tiraa asiir tiri qaid se nikalte hue ab eatibaar kisi kaa karein to kaise karein ki ham ne dekhe hain chehre kai badalte hue asar duaaon mein hotaa hai kis qadar maaruf balaaein dekhi hain ham ne saron se Talte hue"

"kisi tahrir mein tum kyon nahin ho miri taqdir mein tum kyon nahin ho mire har khvaab mein jab tum hi tum ho to phir taabir mein tum kyon nahin ho sunaa mahfil mein the kal raat tum bhi kisi tasvir mein tum kyon nahin ho yahaan sach bolnaa divaangi hai are zanjir mein tum kyon nahin ho nayaa sahraa banaayaa jaa rahaa hai junun-taamir mein tum kyon nahin ho lage hain aaj kuchh ilzaam ham par to phir tashhir mein tum kyon nahin ho"

"hansi aati hai kahtaa thaa ki aisaa ho nahin saktaa ye meraa dil hai meraa dil kisi kaa ho nahin saktaa ghamon ke aasmaan par jagmagaati khushnumaa yaadein ki shahr-e-dil ki raaton kaa saveraa ho nahin saktaa ajab andaaz mein us ne kahaa aur muund liin aankhein vo mujh se pher le nazrein are jaa ho nahin saktaa ghamon par muskuraahaT kaa labaada oDh rakkhaa hai kahin is shaan kaa duujaa mukhauTaa ho nahin saktaa jahaan tahzib khud andhi gali mein raasta bhaTke vahaan kirdaar-o-sirat kaa ujaalaa ho nahin saktaa koi marne se roke hai koi jiine nahin detaa sivaa mar mar ke jiine ke guzaaraa ho nahin saktaa"

"qatra-e-khun-e-jigar ko chashm-e-tar tak le gae ab ke aae aise baadal meraa ghar tak le gae kam hon kuchh bechainiyaan shaayad dar-o-divaar ki ham tire kuche ke ik patthar ko ghar tak le gae tab ye jaanaa sar barahna kar diyaa haalaat ne be-khayaali mein jo ham haathon ko sar tak le gae chhaanv mein jis ki milaa karte rahe ham muddaton masala dil kaa usi buDhe shajar tak le gae kah diyaa sab kuchh ba-shakl-e-sher un ki bazm mein naala-e-dil-soz ko ham yuun asar tak le gae tum ko jaanaa thaa to jaate ye ghazab kaisaa kiyaa gham chhupaa kar muskuraane kaa hunar tak le gae tab kahin jaa kar hamein 'maaruf' aaya hai qaraar jab jabin-e-shauq ko ham sang-e-dar tak le gae"