Ghazal

"to mil bhi jaae to phir bhi tujhe talaash karun har ek daur mein takhliq-e-irtiaash karun main faash ho hi chukaa huun to kyaa zaruri hai? ki apne saath tujhe bhi jahaan mein faash karun suraagh-e-zist mile reza reza insaan ko butaan-e-asr ko kuchh aise paash paash karun zamin ne qarz diyaa mujh ko rizq ki surat marun to kyuun na supurd us ke apni laash karun mujhe najaat mile tira-kaariyon se kaash main nuur ugaaun yahaan raushni maaash karun miri baqaa kaa taqaazaa hai jab bhi rut badle main jama az-sar-e-nau apni qaash qaash karun jadid daur mein rahte hue bhi ai 'ruhi' hai aarzu ki na tark apni bud-o-baash karun"

"ye kis hasin ne logon ko rok rakkhaa hai tamaam shahr ke raston ko rok rakkhaa hai nikal paDein na kahin paane apni taabirein isi liye sabhi khvaabon ko rok rakkhaa hai vo kah rahe hain kaho dil ki baat baat magar na jaane kyuun kai baaton ko rok rakkhaa hai dalilein dene ko de sakte hain hazaar magar sabhi havaalon javaazon ko rok rakkhaa hai abhi hayaat ke goshe chhupe hue hain bahut kisi ne kyuun sabhi rangon ko rok rakkhaa hai na apne-aap mein ho jaae gharq dariyaa bhi zamin ne kaise kinaaron ko rok rakkhaa hai na raaz faash kabhi hon zamin vaalon ke falak ne chaand sitaaron ko rok rakkhaa hai tamaam log hi paagal na ho ke rah jaaein numaaishon se hasinon ko rok rakkhaa hai tamaam shahr ko raushan na hone deinge kabhi hamaare sinon ki aagon ko rok rakkhaa hai diye bujhaati bhi hain to jalaati bhi hain yahi ye kis ne tund havaaon ko rok rakkhaa hai na kaam karne ke karte na karne dete hain hamaare khvaason ne aamon ko rok rakkhaa hai hamaari raahnumaai ko raste kaafi the pa zulmaton ne bhi raston ko rok rakkhaa hai kisi kisi ko hai haq zinda rahne kaa haasil dukhon ne logon ki saanson ko rok rakkhaa hai bhale zamaane ki ummid par abhi 'ruhi' bahut zaruri bhi kaamon ko rok rakkhaa hai"

"hazaar rang jalaal-o-jamaal ke dekhe vo maarke tire husn-e-khayaal ke dekhe samajh mein aane lagaa maqsad-e-hayaat-o-mamaat vo zaaviye tire hijr o visaal ke dekhe har ek gham hai tar-o-taaza pahle din ki tarah amaanatein koi yuun bhi sanbhaal ke dekhe fazaa na bujhne lage is khayaal se aksar dil o nigaah ke raste ujaal ke dekhe nagar bhi aur khanDar bhi nazar mein rahte hain ajiib daur uruj-o-zavaal ke dekhe ki rashk aane lagaa apni be-kamaali par kamaal aise bhi ahl-e-kamaal ke dekhe na chashm ishaare se vaaqif na lab kaa harf se rabt kuchh aise silsile bhi qil-o-qaal ke dekhe zamin zamin na rahi aur falak falak na rahaa kuchh aise marhale bhi arz-e-haal ke dekhe koi sadi bhi hai pal aur koi pal bhi sadi kuchh aise faasle bhi maah-o-saal ke dekhe hui zamin kabhi raakh to kabhi gharqaab kuchh aise hausle bhi barshgaal ke dekhe ajiib shart hai in manzaron ki ai 'ruhi' ki apni aankhein koi khud nikaal ke dekhe"

"kis liye phirtaa huun tanhaa na kisi ne puchhaa kyuun kahin ji nahin lagtaa na kisi ne puchhaa zehn aavaara dil aavaara nazar aavaara kaise is haal ko pahunchaa na kisi ne puchhaa kaun hai aayaa hai kis des se kis se milne sab ne dekhaa magar itnaa na kisi ne puchhaa jaane kyaa kahte agar puchhtaa ahvaal koi khair ye bhi huaa achchhaa na kisi ne puchhaa be-taalluq hue 'ruhi' ajab andaaz se log kis pe kyaa haadsa guzraa na kisi ne puchhaa"

"ye silsila-e-shaam-o-sahar yunhi nahin hai har qaafila sargarm-e-safar yunhi nahin hai hangaame bapaa karti hai har aan tiri yaad pur-shor dil-o-jaan kaa nagar yunhi nahin hai taarikh sunaa sakti hai sadiyon ke safar ki ye gard sar-e-raahguzar yunhi nahin hai ubhregaa yaqinan koi dam mein koi suraj betaabi-e-arbaab-e-nazar yunhi nahin hai manzil bhi koi khaas milegi hamein 'ruhi' dushvaar se dushvaar safar yunhi nahin hai"

"zaalim pe azaab ho gayaa huun main roz-e-hisaab ho gayaa huun har lafz miraa hai ek ghaav zakhmon ki kitaab ho gayaa huun main khud mein simaT ke thaa samundar phailaa to habaab ho gayaa huun khud apni talaash kar rahaa thaa dekhaa to saraab ho gayaa huun yuun uTh gayaa etibaar-e-hasti main khud koi khvaab ho gayaa huun miTTi hui yuun kharaab meri sahraa kaa javaab ho gayaa huun"

"kisi bhi kaam kaa meraa hunar nahin na sahi havaa-e-dahr muaafiq agar nahin na sahi kuaan hai aur sabhi naaqidaan-e-sher-o-adab mire kalaam pe un ki nazar nahin na sahi ye teri bazm hai yaan teraa sikka chaltaa hai koi bhi baat miri mo'tabar nahin na sahi yahi bahut hai ki kuchh log sochne to lage koi bhi meraa agar ham nazar nahin na sahi havaa kaa kyaa hai havaa rukh badalti rahti hai tiri nigaah agar aaj idhar nahin na sahi dilon se uThne lagi hain ajab ajab lahrein kisi bhi aankh mein koi khabar nahin na sahi ilaaj mein to na main koi kasar chhoDungaa kisi davaa mein bhi koi asar nahin na sahi shajar lagaae hain main ne ye kam nahin eazaaz mire nasib mein 'ruhi' samar nahin na sahi"

"munsif-e-vaqt se begaana guzarnaa hogaa faisla apnaa hamein aap hi karnaa hogaa zakhm-e-ehsaas kabhi chain na lene degaa sar-e-maidaan-e-tamannaa hamein marnaa hogaa tujhe chhu kar bhi tujhe paa na sakeinge to hamein surat-e-dard tire dil mein utarnaa hogaa jaane le aai kahaan tezi-e-raftaar hamein ki Thahar jaaein to sadiyon kaa Thaharnaa hogaa asr-e-haazir mein hai jiinaa hi jihaad-e-akbar jis ki khaatir hamein har shai se guzarnaa hogaa hashr se kam na kisi din ke jhamele honge ik qayaamat hamein har shab kaa guzarnaa hogaa roein kyaa Dubte suraj ke liye ham 'ruhi' ki nai shaan se kal us ko ubharnaa hogaa"