aisaa hogaa vaisaa hogaa — Mansoor Ejaz

"main vafaa ki aankh se Tapkaa huaa ek aansu thaa bahut rusvaa huaa par jhaTak kar ho gayaa hai taaza dam ik parinda qaid se chhuTaa huaa muddatein guzrin use bichhDe hue lamha lamha phir bhi hai Thahraa huaa pyaar bhi hotaa hai kyaa majbur kaa ek vaada ret par likkhaa huaa ajnabi tu bhi paraae des mein main bhi apne shahr mein bhaTkaa huaa main kisi muflis ke dar ki dhuul huun vo bhi ik patthar bahut puujaa huaa ik tiri divaangi 'mansur' kyaa is gali mein har koi rusvaa huaa"

"main bhi khaamosh ujaalon ki ziyaa huun jaise apni dharti pe khudaa teraa pataa huun jaise us ki aankhon mein qayaamat ki hayaa raushan hai niim khvaabida use soch rahaa huun jaise meraa maskan na Thikaana na koi raahguzar main koi sar-phiri aavaara havaa huun jaise meraa dar chhoD ke jaati hi nahin hai kam-bakht teri rusvaai ko ik main hi milaa huun jaise zindagi tu bhi to mujh se kabhi khul kar na mili ajnabi tere liye main bhi rahaa huun jaise khud se mil kar mujhe shiddat se lagaa hai 'mansur' ab talak murde zamiron mein rahaa huun jaise"

"sakht-jaan aur be-his huaa huun gham ke ehsaas se bach gayaa huun doston se bhi hairat-zada huun ajnabi dushmanon mein rahaa huun koi had bhi to ho sochne ki sochtaa huun to bas sochtaa huun mere qadmon se sar ko uThaa le main tire zulm ki intihaa huun tu ghazal hai saraapaa ghazal main aakhiri sher kaa qaafiya huun"

"chaand jab aasmaan pe chaltaa hai mere dil se koi guzartaa hai thartharaae hue labon se tire dekhnaa hai ki kyaa nikaltaa hai koi sahraa nahin saraab nahin teri aankhon mein kyaa chamaktaa hai phuul khilte hain jab bhi gulshan mein tu bhi aaegaa aisaa lagtaa hai log baiThe hain band kamron mein aur saDkon pe gham bhaTaktaa hai chaand raaton mein dard jaage to tanhaa kamron mein dam bhi ghuTtaa hai dil mein jal kar jo bujh gayaa 'mansur' zehn mein vo charaagh jaltaa hai"

"kyaa muqaddar mein hai khudaa jaane niind mein chal rahe hain divaane sanatein shahr mein ujaaDeingi gaanv to kar diye hain viraane main ne sach bolne ki Thaani hai koi aae na mujh ko samjhaane meri aankhon mein ye nami kaisi kaun royaa hai mere sirhaane zarf avval hai 'ishq mein 'mansur' ungliyaan kaaT liin zulekhaa ne"

"yunhi sote se kabhi jaag ke uThne kaa sabab shab to hogaa tumhein dil ke dhaDakne kaa sabab dil key raahon se khalaaon ke safar tak key ghuTan aur kuchh soch ke aaine ko takne kaa sabab is guzargaah se hargiz vo guzarne kaa nahin phir usi moD pe tanhaa tire rukne kaa sabab alvidaaa kahne jo aayaa thaa tiraa kyaa thaa bataa us se mil kar ye tere phuuT ke rone kaa sabab koi chehra koi khushbu na kahin koi saraab aisi tanhaai se 'mansur' ulajhne kaa sabab"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"