vo bulaate to hain mujh ko magar ai jazba-e-dil — A. D. Azhar

tu khvaab hi mein sahi aa ke khud javaab to de
bujhi bujhi si miri aarzu ko aab to de

na chheD ai shaikh ham yunhi bhale chal raah lag apni
tujhe to biviyaan sujhi hain ham bezaar baiThe hain

thaa jis pe naaz kabhi ab vo aarzu na rahi
niyaaz-e-'ishq ki pahli si aabru na rahi

miri 'aashiqi sahi be-asar tiri dilbari ne bhi kyaa kiyaa
vahi main rahaa vahi be-dili vahi rang-e-lail-o-nahaar hai

vo kahte hain kuchh der hai faisle mein
ki 'ushshaaq ki 'arziyaan aur bhi hain

tujh se judaa hue to tiri yaad baDh gai
aazaad ho ke qaid ki mi'aad baDh gai

har ek baat ko chup-chaap kyuun sunaa jaae
kabhi to hausla kar ke nahin kahaa jaae

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

khudaa kare ki vahi baat us ke dil mein ho
jo baat kahne ki himmat juTaa rahaa huun main

aziiz gar thaa ta'alluq to kis liye toDaa
jab ikhtilaaf kiyaa to mufaahamat kaisi

har taraf hain khaana-barbaadi ke manzar be-shumaar
kuchh Thikaana hai bhalaa is jazba-e-taamir kaa

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye