thaa jis pe naaz kabhi ab vo aarzu na rahi — A. D. Azhar

tujh se judaa hue to tiri yaad baDh gai
aazaad ho ke qaid ki mi'aad baDh gai

tu khvaab hi mein sahi aa ke khud javaab to de
bujhi bujhi si miri aarzu ko aab to de

na chheD ai shaikh ham yunhi bhale chal raah lag apni
tujhe to biviyaan sujhi hain ham bezaar baiThe hain

vo bulaate to hain mujh ko magar ai jazba-e-dil
shauq itnaa bhi na baDh jaae ki jaae na bane

miri 'aashiqi sahi be-asar tiri dilbari ne bhi kyaa kiyaa
vahi main rahaa vahi be-dili vahi rang-e-lail-o-nahaar hai

vo kahte hain kuchh der hai faisle mein
ki 'ushshaaq ki 'arziyaan aur bhi hain

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

harf aane na diyaa ishq ki khuddaari par
kaam naakaam tamannaa se liyaa hai main ne

chuTkiyaan dil mein mire lene lagaa naakhun-e-ishq
gul-badan dekh ke us gul kaa badan yaad aayaa

naqd-e-dil-e-khaalis kuun miri qalb tuun mat jaan
hai tujh kuun agar shubh to kas dekh tapaa dekh