ham jis ke ho gae vo hamaaraa na ho sakaa — Aale Ahmad Suroor

ab dhanak ke rang bhi un ko bhale lagte nahin
mast saare shahr vaale khuun ki holi mein the

husn kaafir thaa adaa qaatil thi baatein sehr thiin
aur to sab kuchh thaa lekin rasm-e-dildaari na thi

saahil ke sukun se kise inkaar hai lekin
tufaan se laDne mein mazaa aur hi kuchh hai

tumhaari maslahat achchhi ki apnaa ye junun behtar
sambhal kar girne vaalo ham to gir gir kar sambhle hain

jahaan mein ho gai naa-haq tiri jafaa badnaam
kuchh ahl-e-shauq ko daar-o-rasan se pyaar bhi hai

bastiyaan kuchh huiin viraan to maatam kaisaa
kuchh kharaabe bhi to aabaad huaa karte hain

pyaaso raho na dasht mein baarish ke muntazir
maaro zamin pe paanv ki paani nikal paDe

aaine se mujh dal ke tahayyur ko milaa dekh
ye donon baraabar hain koi besh na kam hai

chhaate matlab kho dete hain
kyon itni baarish hoti hai

bal paDe chitvan pe abru tan ke khanjar ho gae
zikr-e-vasl aate hi vo jaame se baahar ho gae

ye vaqfa saaaton kaa chand sadiyon ke baraabar hai
vo ab aavaaz dete hain to pahchaani nahin jaati

sindur us ki maang mein detaa hai yuun bahaar
jaise dhanak nikalti hai abr-e-siyaah mein