apne chehre se jo zulfon ko haTaayaa us ne — Aatish Bahawalpuri

chaarasaazon ki chaara-saazi se
aur bimaar ki dashaa bigDi

dar-haqiqat ittisaal-e-jism-o-jaan hai zindagi
ye haqiqat hai ki arbaab-e-himam ke vaaste

ye mai-khaana hai mai-khaana taqaddus us kaa laazim hai
yahaan jo bhi qadam rakhnaa hamesha baa-vazu rakhnaa

gila mujh se thaa yaa meri vafaa se
miri mahfil se kyuun barham gae vo

maslahat kaa yahi taqaazaa hai
vo na maanein to maan jaao tum

mujhe bhi ik sitamgar ke karam se
sitam sahne ki aadat ho gai hai

raat hi raat chale jaao mire ham-safaro
subh mumkin hai yahi dasht hi maqtal ho jaae

tu jis ke khvaab mein aayaa ho vaqt-e-subh sanam
namaaz-e-subh ko kis tarah vo qazaa na kare

dil kaa kyaa haal kahun subh ko jab us but ne
le ke angDaai kahaa naaz se ham jaate hain

aastin us ne jo kuhni tak chaDhaai vaqt-e-subh
aa rahi saare badan ki be-hijaabi haath mein

ye raat subh mein tabdil hone vaali hai
sab apni apni kahaani kaa ikhtitaam karein

shaikh-saahib ki namaaz-e-sahari ko hai salaam
husn-e-niyyat se musalle pe vazu TuuT gayaa