jaantaa huun kaun kyaa hai aap kyuun dein mashvara — Abbas Alvi

jo saare ham-safar ik baar harz-e-jaan kar lein
to jis zamin pe qadam rakkhein aasmaan kar lein

ye tum se kis ne kahaa hai ki daastaan na kaho
magar khudaa ke liye itnaa sach yahaan na kaho

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

jaan jaane ko hai aur raqs mein parvaana hai
kitnaa rangin mohabbat tiraa afsaana hai

ifshaa-e-raaz-e-ishq mein go zillatein huiin
lekin use jataa to diyaa jaan to gayaa