nikhat-e-saaghar-e-gul ban ke uDaa jaataa huun — Agha Hashr Kashmiri

sab kuchh khudaa se maang liyaa tujh ko maang kar
uThte nahin hain haath mire is duaa ke baad

goyaa tumhaari yaad hi meraa ilaaj hai
hotaa hai pahron zikr tumhaaraa tabib se

hashr mein insaaf hogaa bas yahi sunte raho
kuchh yahaan hotaa rahaa hai kuchh vahaan ho jaaegaa

go havaa-e-gulsitaan ne mire dil ki laaj rakh li
vo naqaab khud uThaate to kuchh aur baat hoti

go haram ke raaste se vo pahunch gae khudaa tak
tiri rahguzar se jaate to kuchh aur baat hoti

ek dhundlaa saa tasavvur hai ki dil bhi thaa yahaan
ab to siine mein faqat ik Tiis si paataa huun main

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kahaan qismat mein is ki phuul honaa
vahi dil ki kali hai aur ham hain

nahin shikva mujhe kuchh bevafaai kaa tiri hargiz
gilaa tab ho agar tu ne kisi se bhi nibhaai ho

zabaan-bandi ke mausam mein gali-kuchon ki mat puchho
parindon ke chahakne se shajar aabaad hote hain