apnaa saaya to main dariyaa mein bahaa aayaa thaa — Ahmad Fareed

zindagi! tujh saa munaafiq bhi koi kyaa hogaa
teraa shahkaar huun aur teraa hi maaraa huaa huun

zakhm gintaa huun shab-e-hijr mein aur sochtaa huun
main to apnaa bhi na thaa kaise tumhaaraa huaa huun

saamne phir mire apne hain so main jaantaa huun
jiit bhi jaaun to ye jang main haaraa huaa huun

sab pe khulne ki hamein hi aarzu shaayad na thi
ek do honge ki ham jin par faqiraana khule

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

raqs karne kaa milaa hukm jo dariyaaon mein
ham ne khush ho ke bhanvar baandh liyaa paanv mein

takhliq-e-kaaenaat ke dilchasp jurm par
hanstaa to hogaa aap bhi yazdaan kabhi kabhi

bolte rahnaa kyunki tumhaari baaton se
lafzon kaa ye bahtaa dariyaa achchhaa lagtaa hai

uruj-e-qaumi zavaal-e-qaumi khudaa ki qudrat ke hain karishme
hamesha radd-o-badal ke andar ye amr political rahaa hai

aankh bhi apni saraab-aalud hai
aur is dariyaa mein paani bhi nahin