vaqt ke daaere mein rahte hue — Ahmad Waqas Mahrwi

qismat kaa miri haal bataaoge mujhe kyaa
mazdur ke haathon pe lakirein nahin hotin

vo jo anaa ki qaid mein ab tak hai mutmain
ab us ke lauTne kaa gumaan kis liye karein

mujhe paarsaai kaa daavaa nahin hai
farishta nahin main niraa aadmi huun

mustaqbil ke khauf se sahmaa rahtaa huun
main ne buDhe peD ki aankhein dekhi hain

main ne karni hai sitaaron se koi raaz ki baat
abhi kuchh aur mire qad ko baDhaayaa jaae

bun rahi hain jaal phir se makDiyaan
ek aavaara si makkhi ke liye

kam-umri mein sunet hain
mar jaate hain achchhe log

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi ke bahut qarib na jaa
faasla kuchh to apne dhyaan mein rakh