bas ek shaam kaa har shaam intizaar rahaa — Ajmal Siraj

bataao tum se kahaan raabta kiyaa jaae
kabhi jo tum se zarurat ho baat karne ki

kuchh kahnaa chaahte the ki khaamosh ho gae
dastaar yaad aa gai sar yaad aa gayaa

rah gayaa dil mein ik dard saa
dil mein ik dard saa rah gayaa

'ajmal'-siraaj ham use bhuul hue to hain
kyaa jaane kyaa kareinge agar yaad aa gayaa

Thahar gayaa hai dil kaa jaanaa
dil kaa jaanaa Thahar gayaa hai

us ne puchaa thaa kyaa haal hai
aur main sochtaa rah gayaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

savaal karti kai aankhein muntazir hain yahaan
javaab aaj bhi ham soch kar nahin aae

ishq kachche ghaDe pe Duub gayaa
lamha jab intizaar kaa aayaa

ghazab kiyaa tire vaade pe e'tibaar kiyaa
tamaam raat qayaamat kaa intizaar kiyaa