fareb-e-jalva kahaan tak ba-ru-e-kaar rahe — Akhtar Ali Akhtar

mujhi ko parda-e-hasti mein de rahaa hai fareb
vo husn jis ko kiyaa jalva-aafrin main ne

tum ne har zarre mein barpaa kar diyaa tufaan-e-shauq
ik tabassum is qadar jalvon ki tughyaani ke saath

guftugu-e-surat-o-maani hai unvaan-e-hayaat
khelte hain vo miri fitrat ki hairaani ke saath

chaTak mein ghunche ki vo saut-e-jaan-fazaa to nahin
suni hai pahle bhi aavaaz ye kahin main ne

hasti ke mat fareb mein aa jaaiyo 'asad'
aalam tamaam halqa-e-daam-e-khayaal hai

us ne mujhe dar-asl kabhi chaahaa hi nahin thaa
khud ko de kar ye bhi dhokaa, dekh liyaa hai

bhaTak ke raah se ham sab ko aazmaa aae
fareb de gae jitne bhi rahnumaa aae

mohmal hai na jaanein to, samjhein to vazaahat hai
hai ziist faqat dhokaa aur maut haqiqat hai

ab zamaana hai bevafaai kaa
siikh lein ham bhi ye hunar shaayad

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa