hijr kaa maaraa huun Table par yahi sab paaoge — Ali Asar Bandvi

ehsaas-e-tishnagi na thaa sahraa mein kuchh magar
lab khushk ho rahe hain samundar ko dekh kar

jin ke daaman mein mere khuun ke chhinTe the 'asar'
ab vo shaffaaf libaason mein nazar aate hain

us be-khabar ki niind kaa 'aalam na puchhiye
takiya kahin hai zulf kahin aur kahin badan

talkhi ke saath kiije na tark-e-ta'alluqaat
chubhtaa rahegaa varna ye lahja tamaam 'umr

jo pahle aankh se ojhal huaa thaa
vo ab dil se bhi rukhsat ho rahaa hai

tu to mahlon mein rahti hai ye tujh ko maa'lum nahin
sahraaon mein main bhaTkaa huun hijr ki vahshat mujh se puchh

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

aasmaan jhaank rahaa hai 'khaalid'
chaand kamre mein mire utraa hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

pyaaso raho na dasht mein baarish ke muntazir
maaro zamin pe paanv ki paani nikal paDe