mire ghar mein to koi bhi nahin hai — Ameer Qazalbash

yakum january hai nayaa saal hai
december mein puchhungaa kyaa haal hai

usi kaa shahr vahi muddai vahi munsif
hamein yaqin thaa hamaaraa qusur niklegaa

mire junun kaa natija zarur niklegaa
isi siyaah samundar se nuur niklegaa

log jis haal mein marne ki duaa karte hain
main ne us haal mein jiine ki qasam khaai hai

ik parinda abhi uDaan mein hai
tiir har shakhs ki kamaan mein hai

raavan raat jagaataa hai
koi raam-kahaani de

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

baat karnaa hai karo saamne itraao nahin
jo nahin jaante us baat ko samjhaao nahin

har baar hi main jaan se jaane mein rah gayaa
main rasm-e-zindagi jo nibhaane mein rah gayaa