tere haathon mile agar murshid — Amjad Khan Tajwana

sarhadein mujh ko detin ijaazat agar
phir main makka madina kahaan chhoDtaa

masala jo bhi ho hal ho jaae
tujh ko sochun to ghazal ho jaae

log logon se dosti kar ke
kitnaa saste mein bech dete hain

munh kabhi ham ne apnon se moDaa nahin
shahr mein bas ke bhi gaanv chhoDaa nahin

'ishq dariyaa mein jab se bahne lagaa
mauj-dar-mauj she'r kahne lagaa

niind ke ghar mein hain khvaab aane lage
'ishq hai naachtaa aankh ke sahn mein

baDi hi andheri Dagar hai miyaan
jahaan ham faqiron kaa ghar hai miyaan

sajda huaa hamesha faqiron ke ilm par
ham aagahi pe marte hain poshaak par nahin

us ke dar par main gayaa saang banaae to kahaa
chal be chal duur ho kyaa le ke faqiri aayaa

faqir log rahe apne apne haal mein mast
nahin to shahr kaa naqsha badal chukaa hotaa

fasl-e-bahaar aai piyo sufiyo sharaab
bas ho chuki namaaz musallaa uThaaiye

mard-e-darvesh huun takiya hai tavakkul meraa
kharch har roz hai yaan aamad-e-baalaai kaa