idhar vo bichhDaa udhar ik sitaaraa TuuTaa phir — Ammar Yasir Migsi

mujh ko marne na diyaa sher utaare mujh par
ishq ne bas ye mire saath riaayat ki thi

us ko hanstaa dekh ke phuul the hairat mein
vo hansti thi phulon ki hairaani par

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai