zamin par hain vo kuchh miTTi ke putle — Amn Lakhnavi

kahaani apni apni ahl-e-mahfil jab sunaate hain
mujhe bhi yaad ik bhulaa huaa afsaana aataa hai

zabaan o dahan se jo khulte nahin hain
vo khul jaate hain raaz aksar nazar se

zindagi ik savaal hai jis kaa javaab maut hai
maut bhi ik savaal hai jis kaa javaab kuchh nahin

mukammal daastaan kaa ikhtisaar itnaa hi kaafi hai
sulaayaa shor-e-duniyaa ne jagaayaa shor-e-mahshar ne

tumhaari bazm bhi kyaa bazm hai aadaab hain kaise
vahi maqbul hotaa hai jo gustaakhaana aataa hai

zamaane ki kashaakash kaa diyaa paiham pata mujh ko
kahin TuuTe hue dil ne kahin TuuTe hue sar ne

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

aasmaan jhaank rahaa hai 'khaalid'
chaand kamre mein mire utraa hai

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai