ek gham hotaa to siine se lagaa letaa koi — Anees Ansari

naam teraa bhi rahegaa na sitamgar baaqi
jab hai firaun na changez kaa lashkar baaqi

tiri mahfil mein sab baiThe hain aa kar
hamaaraa baiThnaa dushvaar kyuun hai

jo parinde uD nahin sakte ab un ki khair ho
aane vaalaa hai isi jaanib shikaari haae haae

baDaa aazaar-e-jaan hai vo agarche mehrbaan hai vo
agarche mehrbaan hai vo baDaa aazaar-e-jaan hai vo

laash qaatil ne khuli pheink di chauraahe par
dekhne vaalaa koi ghar se na baahar niklaa

main ne aankhon mein jalaa rakhaa hai aazaadi kaa tel
mat andheron se Daraa rakh ki main jo huun so huun

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

hasti ke mat fareb mein aa jaaiyo 'asad'
aalam tamaam halqa-e-daam-e-khayaal hai

dard ki lahr mein zindagi bah gai
umr yuun kaT gai hijr ki shaam mein