jo parinde uD nahin sakte ab un ki khair ho — Anees Ansari

main ne aankhon mein jalaa rakhaa hai aazaadi kaa tel
mat andheron se Daraa rakh ki main jo huun so huun

naam teraa bhi rahegaa na sitamgar baaqi
jab hai firaun na changez kaa lashkar baaqi

tiri mahfil mein sab baiThe hain aa kar
hamaaraa baiThnaa dushvaar kyuun hai

baDaa aazaar-e-jaan hai vo agarche mehrbaan hai vo
agarche mehrbaan hai vo baDaa aazaar-e-jaan hai vo

laash qaatil ne khuli pheink di chauraahe par
dekhne vaalaa koi ghar se na baahar niklaa

tiri aankhon ne dhoyaa hai mujhe yuun
main bilkul saaf-suthraa ho gayaa huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe