aaj insaan ko tapte sahraa mein — Anis Abr

maut ki aarzu mein divaane
umr-bhar zindagi se laDte hain

main muskuraataa magar di na ashk ne mohlat
khushi jab ek mili saath gham hazaar mile

'abr' duniyaa ko chhoD jaane kaa
ik bahaana talaash karnaa hai

lafz yuun khaamushi se laDte hain
jis tarah gham hansi se laDte hain

tujh pe jami hain sab ki nazrein
teri nazar mein kaun rahegaa

kyuun haath dil se lagaate ho baar baar apnaa
kyaa dil mein ab bhi koi be-nazir rahtaa hai

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

jitnaa tumhaaraa zarf hai mil jaaungaa tumhein
dariyaa bhi meraa ruup hai qatra bhi dastyaab