tujhe to kitni bahaarein salaam bhejeingi — Anjum Barabankvi

ghair to aansu pochheinge
dhokaa deinge apne log

ye baadshaah nahin hai faqir hai suraj
hamesha raat ki jholi se din nikaaltaa hai

mujhe sone ki qimat mat bataao
main miTTi huun miri azmat bahut hai

jo doston ki mohabbat se ji nahin bhartaa
to aastin mein do-chaar saanp paal ke rakh

jis baat kaa matlab khushbu hai har gaanv ke kachche raste par
us baat kaa matlab badlegaa jab pakki saDak aa jaaegi

zaraa mahfuz raston se guzarnaa
tumhaari shahr mein shohrat bahut hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

apne maazi ki justuju mein bahaar
piile patte talaash karti hai

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa