rahe zaraa dil-e-khun-gashta par nazar 'anjum' — Anjum Rumani

nai zindagi ke nae makr o fan
nae aadmi ki nai chaal-Dhaal

dil se uThtaa hai subh-o-shaam dhuaan
koi rahtaa hai is makaan mein abhi

sach ke saude mein na paDnaa ki khasaaraa hogaa
jo huaa haal hamaaraa so tumhaaraa hogaa

ye jitne masale hain mashghale hain sab faraaghat ke
na tum be-kaar baiThe ho na ham be-kaar baiThe hain

dete nahin sujhaai jo duniyaa ke khatt-o-khaal
aae hain tirgi mein magar raushni se ham

samjhi gai jo baat hamaari ghalat to kyaa
yaan tarjuma kuchh aur hai aayat kuchh aur hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

us ko dekho kabhi udaasi mein
kis balaa ki hasin lagti hai

kis tarah bhulaaein ham is shahr ke hangaame
har dard abhi baaqi hai har zakhm abhi taaza hai

kahte the match dekhne vaale pukaar ke
ustaad jaa rahe hain shab-e-gham guzaar ke