ik tabassum hazaar-haa aansu — Anjum Siddiqui

fasl-e-gul aa gai hai ahl-e-junun
phir garebaan ko taar taar karein

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

miri tanhaai kaa aalam na puchho
khayaal-e-dostaan hai aur main huun

aarzu ki ye sazaa hai ki zamaana hai khilaaf
un se milne ki khudaa jaane sazaa kyaa hogi

hijr ki lazzaton kaa kyaa kahnaa
vo na aaein miri duaa hai ye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ab kisi kaam ke nahin ye rahe
dil vafaa ishq aur tanhaai

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa

naa-karda gunaahon ki bhi hasrat ki mile daad
yaa rab agar in karda gunaahon ki sazaa hai