mile jo us se to yaadon ke par nikal aae — Arshad Abdul Hamid

halqa-e-dil se na niklo ki sar-e-khucha-e-khaak
aish jitne hain isi kunj-e-kam-aasaar mein hain

miraa hi siina kushaada hai chaahaton ke taiin
tufang-e-dard miraa hi nishaanaa chaahti hai

ye duniyaa akbar zulmon ki ham majburi ki anaarkali
ham divaaron ke biich mein hain ham nargha-e-jabr-o-jalaal mein hain

gham-e-jahaan o gham-e-yaar do kinaare hain
udhar jo Duube vo aksar idhar nikal aae

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

zamin ke paas kisi dard kaa ilaaj nahin
zamin hai ki mire ahd ki siyaasat hai

mere khvaabon ke jharokon ko sajaate rahiye
na sahi vasl magar yaad to aate rahiye

ajnabi mujh se aa gale mil le
aaj ik dost yaad aae mujhe

dil to lete ho magar ye bhi rahe yaad tumhein
jo hamaaraa na huaa kab vo tumhaaraa hogaa

ab ji mein hai ki un ko bhulaa kar hi dekh lein
vo baar baar yaad jo aaein to kyaa karein

'jalil' aane lagi hain hichkiyaan kyuun
kahin main yaad farmaayaa gayaa huun

main kahaa ahd kyaa kiyaa thaa raat
hans ke kahne lagaa ki yaad nahin