kyaa kahun kitnaa fuzun hai tere divaane kaa dukh — Arshad Jamal Sarim

dekh ai meri zabun-haali pe hansne vaale
vaqt ki dhuup ne kis darja nikhaaraa mujh ko

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

taa-umr tiraa naqsh-e-farozaan rahe mujh mein
ik zakhm ki surat mire maathe pe ubhar jaa

kis ki tanvir se jal uTThe basirat ke charaagh
kis ki tasvir ye aankhon se lagaai gai hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

qulqul-e-minaa sadaa naaqus ki shor-e-azaan
ThanDe ThanDe didani hai garmi-e-baazaar-e-subh

aao tum hi karo masihaai
ab bahalti nahin hai tanhaai

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa