sukun-e-dil nahin jis vaqt se us bazm mein aae — Arzoo Lakhnavi

nazar bachaa ke jo aansu kiye the main ne paak
khabar na thi yahi dhabbe baneinge daaman ke

khizaan kaa bhes banaa kar bahaar ne maaraa
mujhe do-rangi-e-lail-o-nahaar ne maaraa

aap apne se barhami kaisi
main nahin koi aur hai ye bhi

phir chaahe to na aanaa o aan baan vaale
jhuTaa hi vaada kar le sachchi zabaan vaale

hasraton kaa dil se qabza uTh gayaa
ghaasibon ki hukmraani khatm hai

jazb-e-nigaah-e-shoabada-gar dekhte rahe
duniyaa unhin ki thi vo jidhar dekhe rahe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ret hai suraj hai vusat hai tanhaai
lekin naan is dil ki khaam-khayaali jaae

rah gai zindagi dard ban ke
dard dil mein chhupaae chhupaae

dil jin ko DhunDhtaa hai na-jaane kahaan gae
khvaab-o-khayaal se vo zamaane kahaan gae

lafz ki hurmat muqaddam hai dil-o-jaan se mujhe
sach taaaruf hai mire har sher har tahrir kaa