shaayad miri nigaah mein koi shigaaf thaa — Ashar Najmi

andhere mein tajassus kaa taqaazaa chhoD jaanaa hai
kisi din khaamushi mein khud ko tanhaa chhoD jaanaa hai

rafta rafta khatm qissa ho gayaa honaa hi thaa
vo bhi aakhir mere jaisaa ho gayaa honaa hi thaa

na jaane kab koi aa kar miri takmil kar jaae
isi ummid pe khud ko adhuraa chhoD jaanaa hai

zahr mein Duubi hui parchhaaiyon kaa raqs hai
khud se vaabasta yahaan main bhi nahin tu bhi nahin

canvas par hai ye kis kaa paikar-e-harf-o-sadaa
ik numud-e-aarzu jo be-nishaan hai aur bas

saunpoge apne baa'd viraasat mein kyaa mujhe
bachche kaa ye savaal hai gunge samaaj se

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jab dil kaa jahaaz apnaa tabaahi mein paDe hai
le dauDein hain aansu vahin aaankhon ki gharaabein

kisi ke dard-e-mohabbat ne umr bhar ke liye
khudaa se maang liyaa intikhaab kar ke mujhe

jafaa ki baatein sadaa banaanaa vafaa ki baatein kabhi na karnaa
khudaa ke ghar mein kami nahin hai kiye mein apne kami na karnaa