yaar bhalaa kitni baaton par hansnaa hai — Ashwini Yadav

man mein aayaa pahle tum ko taa'ne duun
khair haTaao aur bataao kaise ho

har ik aansu kaa badlaa ho saktaa hai
ye moti angaare bhi ban sakte hain

duniyaa tire suraagh ko ab paa gayaa huun main
lailaa se laa-ilaah talak aa gayaa huun main

mujhe chhoD kar jo chalaa gayaa use yaad karne se kyaa gharaz
jo Thahar gae unhein shukriya jo chale gae unhein alvidaaa’

zinda rahte milne vaale laakhon hain
mayyat par har girtaa aansu daulat hai

ek 'arse ke baa'd main ne tumhein dekhaa hai
ek 'arse ke baa'd phir se mujhe pyaar huaa

jab ki pahlu se yaar uThtaa hai
dard be-ikhtiyaar uThtaa hai

tire rukhsaara-e-simin pe maaraa zulf ne kunDal
liyaa hai azhdahaa niin chhin yaaro maal aashiq kaa

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai

ham jaison ko bas itni ijaazat hai mire dost
ham dekh hi sakte hain pasand aayaa huaa shakhs

main nahin jaa paaungaa yaaro su-e-gulzaar abhi
dekhni hai aab-ju-e-zist ki raftaar abhi

nargisi chashm dikhaa kar ke vo vahshat-zada yaar
ye gayaa vo gayaa jis tarah ghazaal aap se aap