maar Daalegaa tajassus 'jaanif' — Asif Jaanif

main tumhaare baghair aisaa huun
jis tarah diin hai nabi ke baghair

tu khudaa se bhi duur hai laDki
aur dil kaaein kaaein kar rahaa hai

ye kaise log tire aas-paas ghumte hain
inhein to dekh ke meraa dimaagh ghumtaa hai

udaas logon ke maathon ko chumte rahnaa
unhi ki vajh se bar-'aks ho gae tum log

hamein bannaa paDegaa alien varna mire pyaare
tujhe bhi khaaegaa aadam mujhe bhi khaaegaa aadam

mujhe malaal nahin teri bevafaai kaa
main apne aap se aankhein nahin milaa saktaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ai gham-e-duniyaa tujhe kyaa ilm tere vaaste
kin bahaanon se tabiat raah par laai gai

tum apnaa ranj-o-gham apni pareshaani mujhe de do
tumhein gham ki qasam is dil ki viraani mujhe de do

bahut ghuTan hai koi surat-e-bayaan nikle
agar sadaa na uThe kam se kam fughaan nikle