yaa Dar mujhe teraa hai ki main kuchh nahin kahtaa — Asifud Daula

is adaa se mujhe salaam kiyaa
ek hi aan mein ghulaam kiyaa

milte hi nazar dil ko milaayaa nahin jaataa
aaghaaz ko anjaam banaayaa nahin jaataa

ham ishq ke bande hain mazhab se nahin vaaqif
gar kaaba huaa to kyaa but-khaana huaa to kyaa

ye na aane ke bahaane hain sabhi varna miyaan
itnaa to ghar se mire kuchh nahin ghar duur tiraa

faaeda kyaa hai nasihat se phire ho naaseh
ham samajhne ke nahin laakh tu samjhaae hamein

phabaa hai rukh pe tire khush-numaa sanam lekin
hamesha gul pe ye shabnam rahe rahe na rahe

himmat kahaan se laaun ki taa'bir kar sakun
kal raat khvaab dekh rahaa thaa ki khush huun main

vaqt khush khush kaaTne kaa mashvara dete hue
ro paDaa vo aap mujh ko hausla dete hue

baDe hausle the pahle baDe valvale the pahle
jo amal kaa vaqt aayaa hue aap nau-do-gyaaraa

naa-umidi harf-e-tohmat hi sahi kyaa kijiye
tum qarib aate nahin ho aur khudaa miltaa nahin

tiraa khayaal de gayaa hai aasraa kahin kahin
tiraa firaaq hausle baDhaa gayaa kabhi kabhi

ayaan the jazba-e-dil aur bayaan the saare khayaal
koi bhi parda na thaa jab ke the hijaab mein ham